A Comisión Municipal de Goberno, en sesión realizada o día 19 de maio de 2003, acordou aprobar inicialmente o proxecto de urbanización de rúa de nova apertura na Rosa-Carril, redactado polo arquitecto Jesús M. Diéguez Pazos e promovido por Sumbulla X, S.L.
De conformidade con establecido no artigo 110.4º da Lei 9/2002, de ordenación urbanística e protección do medio rural de Galicia, o dito proxecto de urbanización estará exposto ó público, nas oficinas municipais de secretaría, durante o prazo de vinte días, a partir do seguinte ó da publicación deste anuncio no Diario Oficial de Galicia, podendo presentar reclamacións ou alegacións no mesmo prazo.
Vilagarcía de Arousa, 20 de maio de 2003.
Joaquín Javier Gago López
Alcalde