Aprobado definitivamente polo pleno do Concello de Lalín con data do 27 de novembro de 2001, o plan parcial para a ampliación do parque empresarial Lalín 2000, e sendo publicado no BOP do 22 de xaneiro do 2002 e no Diario Oficial de Galicia e do 30 de xaneiro de 2002, segundo o disposto no artigo 33 da Lei 6/1998, do 13 de abril, e no artigo 98.1º da Lei 9/2002, do 30 de decembro, de ordenación urbanística e protección do medio rural de Galicia, implica a declaración de utilidade pública e a necesidade de ocupación dos bens e dereitos

afectados ós fins da expropiación ou imposición de servidumes.

Este expediente expropiatorio tramitarase polo procedemento de taxación conxunta, segundo o convenio entre o Instituto Galego da Vivenda e Solo e Xestur Pontevedra, S.A., para a adquisición de solo para a ampliación do parque empresarial Lalín 2000, de data nove de setembro de 2002.

De conformidade co previsto no artigo 143.2º da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de 1 mes o expediente expropiatorio dos bens e dereitos que se precisa ocupar para a execución da ampliación do parque empresarial Lalín 2000, que se relacionan no anexo adxunto.

Así mesmo, as taxacións notificaranse individualmente ós que aparecen como titulares de bens e dereitos no expediente.

O expediente estará exposto no Concello de Lalín e na Delegación Provincial do Instituto Galego da Vivenda e Solo en Pontevedra para información pública durante o prazo de 1 mes, contado a partir da publicación desta resolución no Diario Oficial de Galicia. Durante o dito prazo, todas aquelas persoas ou entidades que se consideren afectadas poderán presenta-las alegacións que consideren oportunas, por triplicado exemplar, na Delegación Provincial do Instituto Galego da Vivenda e Solo, sita na rúa Alcalde Hevia, s/n, Pontevedra.

Santiago de Compostela, 11 de xuño de 2003.

José Antonio Redondo López

Director xeral do Instituto Galego

da Vivenda e Solo

ANEXO

Relación de bens e dereitos afectados pola expropiación forzosa seguida polo trámite de taxación conxunta para a execución do plan parcial para a ampliación do parque empresarial Lalín 2000

Lalín-Pontevedra