Cumpridos os trámites regulamentarios no correspondente expediente administrativo, a Dirección Xeral do Instituto Galego da Vivenda e Solo resolve convoca-lo seguinte concurso público:
Obxecto.
Concurso público para o alleamento das parcelas que se detallan, propiedade do IGVS para o seu destino preceptivo e exclusivo á construcción de vivendas de protección autonómica.
Áreas residenciais: SUNP-3, SUNP-15, SUNP-16:
SUNP-3 (euros) (euros) (euros)
SUNP-15 (euros) (euros) (euros)
SUNP-16 (euros) (euros) (euros)
Parcela
Valoración
IVE (16%)
Total
4B1 357.993 57.279 415.272
ED1 2.199.696 351.951 2.551.647
Parcela
Valoración
IVE (16%)
Total
4B1 618.062 98.890 716.952
2M3 554.915 88.786 643.701
2M2 664.138 106.262 770.400
Parcela
Valoración
IVE (16%)
Total
4B3 611.967 97.915 709.882
4B7 262.644 42.023 304.667
4B8 754.338 120.694 875.032
4B9 716.139 114.582 830.721
Prego de bases.
O prego de bases que rexerá no concurso poderá ser examinado nos servicios centrais do Instituto Galego da Vivenda e Solo sito no Polígono das Fontiñas, Área Central s/n, na Xefatura Provincial do IGVS na Coruña, sita no edificio de Servicios Múltiples, 9º andar, na rúa Salvador de Madariaga s/n durante o prazo de presentación de proposicións, os días e horas hábiles agás o sábado.
Garantías.
Para a presentación de proposicións esixirase aval bancario por importe equivalente ó 5% do prezo da parcela (IVE incluído).
Destinatarios.
A esta convocatoria poderán concorre-las seguintes persoas físicas e/ou xurídicas:
a) As persoas físicas e/ou xurídicas que teñan por finalidade a promoción de vivendas e tivesen desenvolvido a súa actividade nese campo como mínimo 1 ano.
b) As cooperativas de vivendas que, conforme a lexislación vixente, estean validamente constituídas e inscritas ou que se constituán e inscriban para o efecto e estean facultadas para seren promotoras de vivendas.
c) As demais entidades de finalidade e carácter social, sen ánimo de lucro, que teñan entre ós seus propios obxectivos o de promover e proporcionar ós seus membros vivendas sometidas a algún réxime de protección oficial, sempre que se tivesen constituído ou se constitúan para o efecto, segundo a respectiva lexislación vixente pola que se rexan.
Presentación de proposicións.
As proposicións presentaranse en días e horas hábiles, agás os sábados, no rexistro da Xefatura Provincial do IGVS na Coruña ou en calquera dos rexistros establecidos no artigo 38.4º da Lei de réxime xurídico das administracións públicas e do procedemento administrativo común. Cando as solicitudes de participación sexan efectuadas por algúns destes últimos medios deberase avisar da presentación da oferta mediante telegrama ou fax dirixido á Xefatura Provincial do IGVS da Coruña. Sen a concorrencia de ámbolos requisitos non será admitida a documentación se é recibida polo órgano de contratación con posterioridade á data e hora do remate do prazo.
O prazo de admisión das proposicións rematará ás 14 horas do día 27 de agosto de 2003.
Apertura das proposicións.
A apertura e admisión de proposicións será realizada pola mesa de contratación, que se reunirá na Delegación Provincial do IGVS na Coruña ás 11 horas do día 10 de setembro de 2003.
O tribunal técnico constituirase ás 11 horas do día 17 de setembro de 2003, no lugar anteriormente
sinalado, para os efectos de emiti-lo informe de valoración ó que fai referencia a cláusula sétima do prego de bases.
A adxudicación provisional das parcelas farase pública no prazo máximo de dous meses contados desde a data de admisión das proposicións.
Documentos que deben presenta-los ofertantes.
As proposicións deberán ir acompañadas dos documentos esixidos na cláusula sexta do prego de bases.
Santiago de Compostela, 9 de xuño de 2003.
José Antonio Redondo López
Director xeral do Instituto Galego
da Vivenda e Solo