A Orde do 13 de febreiro de 2003 (DOG nº 41, do 27 de febreiro), pola que se aproban as bases que rexerán o concurso público de axudas para o estudio e accións de apoio económico ós estudiantes universitarios correspondentes ó curso académico

2002-2003, establece no seu artigo 2 a contía que se destinará para a concesión destas axudas.

Nembargantes, a citada convocatoria, no mesmo artigo establece que a cantidade destinada a cada unha destas axudas poderá ser incrementada de acordo coas dispoñibilidades económicas da consellería.

Por todo o exposto e en uso das facultades que me foron conferidas,

DISPOÑO:

Artigo único.

Primeiro.-Amplíase a contía que figura no artigo 2 da Orde do 13 de febreiro de 2003 na cantidade de vinteoito mil oitocentos dez euros (28.810 euros), con cargo á aplicación orzamentaria 07.05.322C.480.2 dos orzamentos xerais da Comunidade Autónoma de Galicia para o ano 2003, que se destinará para os anexos III e IV da citada orde, de acordo coa seguinte distribución:

Anexo III: 14.405 euros.

Anexo IV: 14.405 euros.

Segundo.-Esta modificación non afecta os prazos establecidos na referida orde de convocatoria.

Santiago de Compostela, 12 de xuño de 2003.

Celso Currás Fernández

Conselleiro de Educación e Ordenación Universitaria