Coa finalidade de ir implantando progresivamente as ensinanzas de danza e satisface-la crecente demanda creouse o Conservatorio Profesional de Danza de Lugo por Decreto 103/2001, do 3 de maio (Diario Oficial de Galicia do 18 de maio).
En consecuencia, esta consellería, de conformidade co establecido no artigo 1 do Decreto 213/1998, do 10 de xullo (Diario Oficial de Galicia do 23 de xullo), en aplicación do disposto no artigo 2 do decreto de creación e por proposta da Dirección Xeral de Centros e Ordenación Educativa,
DISPÓN:
Primeiro.-Autoriza-la posta en funcionamento do Conservatorio profesional de danza de Lugo, segundo os datos que figuran no anexo á presente orde.
Segundo.-Este centro impartirá as ensinanzas dos graos elemental e medio de danza previstas no arti
go 39.1º da Lei orgánica 1/1990, do 3 de outubro, de ordenación xeral do sistema educativo (Boletín Oficial del Estado do 4 de outubro).
Terceiro.-Autorízase ás direccións xerais de Centros e Ordenación Educativa, de Formación Profesional e Ensinanzas Especiais e de Persoal para adopta-las medidas necesarias para a execución do disposto nesta orde.
Santiago de Compostela, 23 de maio de 2003.
Celso Currás Fernández
Conselleiro de Educación e Ordenación
Universitaria
ANEXO
Provincia: Lugo.
Concello: Lugo.
Localidade: Lugo.
Enderezo: rúa Músico Xosé Castiñeira, s/n.
Denominación xenérica: Conservatorio Profesional de Danza.
Denominación específica: de Lugo.
Código do centro: 27020707.
Ensinanzas autorizadas: grao elemental e grao medio de danza.