José Luis Almau Supervía, secretario xeral da Deputación Provincial da Coruña, certifica que na sesión plenaria ordinaria celebrada o día vinteoito de febreiro de dous mil tres, se adoptou, entre outros, o seguinte acordo:

4. Ampliación da delegación de competencias en materia tributaria por diversos concellos da provincia, 2º grupo.

Acepta-la ampliación de competencias delegadas en materia tributaria acordada por diversos concellos da provincia, tocante coas materias e concellos seguintes.

Recadación voluntaria e executiva das sancións municipais por infraccións da Lei sobre tráfico, circulación de vehículos de motor e seguridade vial, incluíndo a colaboración previa cos concellos para identifica-los propietarios dos vehículos cos que se cometeran infraccións: concellos de Cariño, Cerceda, A Laracha, Malpica de Bergantiños, Oroso e Outes.

A aceptación destas competencias realízase a expensas de que os correspondentes acordos municipais sexan elevados a definitivos.

O exercicio das competencias delegadas obxecto de aceptación, que se levará a cabo nos termos establecidos nas bases para a prestación de servicios tributarios para os concellos da provincia, aprobadas para o efecto por esta corporación provincial, producirá efectos o día 2 de xaneiro de 2003.

E para que conste, estendo este anuncio na Coruña o seis de xuño de dous mil tres.

José Luis Almau Supervía

Secretario da Deputación Provincial da Coruña

Visto e prace

José Luis Torres Colomer

Presidente da Deputación Provincial da Coruña