A Comisión de Goberno, en sesión celebrada o día 22-4-2003, acordou aprobar inicialmente o proxecto de reforma interior da UA 5, sita en travesía de Arteixo, tramitado de oficio mediante o sistema de cooperación, o cal queda sometido a información pública polo prazo dun mes, contado a partir do seguinte a aquel en que se produza a última das publicacións que se inserirán no DOG, no BOP e en dous dos xornais de maior circulación da provincia.
Durante o devandito prazo as persoas interesadas poderán examina-lo seu contido comparecendo nas dependencias do Servicio Municipal de Urbanismo e presenta-las alegacións que estimen convenientes (expediente 17/2003.PERI).
Ó mesmo tempo e ante a eventualidade de que poidan existir interesados descoñecidos neste procedemento, se ignore o lugar de notificación dalgún e intentada esta non se puidese practicar, sirva o presente de notificación, coa finalidade e alcance que se contemplan no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Arteixo, 3 de xuño de 2003.
Manuel Pose Miñones
Alcalde en funcións