Vista a acta da revisión salarial para o ano 2002 e 2003 e a modificación de artigos do convenio colectivo da empresa Frigoríficos de Galicia, S.A. (Frigalsa) con nº de código 3600652, que tivo entrada

nesta delegación provincial o día 1-4-2003, subscrita pola comisión paritaria do convenio, en data 14-1-2003, de conformidade co disposto no artigo 3 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo desta delegación provincial e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 2 de maio de 2003.

Joaquín Macías Sánchez

Delegado provincial de Pontevedra

Acta do convenio colectivo 2001-2003 de Frigalsa

Reunida a comisión paritaria, formada polos que asinan abaixo, o 14 de xaneiro de 2003 como complemento do convenio colectivo de Frigalsa 2001-2003 que lles presentamos o 9-11-2001, co número de entrada 30532, acordan a revisión da táboa salarial de 2002 definitiva (IPC 2002), a táboa provisoria de 2003 e as modificacións do texto do convenio que se aplicará no exercicio 2003.

Vigo, 14 de xaneiro de 2003.

Pola empresa:

Teófilo Ceniceros Gallego (director xeral).

Jacinto Salvador Fernández (director administrativo).

Adolfo Viéitez Davila (director de planta).

Polos traballadores:

José Fernández González.

Luciano Villar Rodríguez.

Juan C. Sobrido Valverde.

ANEXO

Convenio colectivo 2003

Mantense en vigor todo o texto do convenio colectivo para 2003 excepto os seguintes artigos:

Artigo 1º.-Complemento de transporte e distancia.

Establécese un complemento de transporte e distancia na contía total de 1,34 euros por un día efectivo de traballo.

Artigo 14º.-Valor das horas extraordinarias.

O valor de cada hora extra será de 9,08 euros, excepto as traballadas en sábados e festivos que serán de 16,68 euros. A partir das 22 horas, as horas extraordinarias terán un valor de 20,84 euros, nos sábados e festivos, e de 11,37 euros nos restantes días.

Táboa salarial revisión IPC 2002

Táboa salarial