Por resolución da Consellería da Presidencia, Relacións Institucionais e Administración Pública, do 30 de decembro de 2002 (DOG do 7 de xaneiro de 2003), abriuse o prazo de solicitudes de bolsas para a asistencia a reunións científicas para investigadores non vinculados ás universidades galegas, conforme as bases recollidas no anexo VIII da orde

da Consellería da Presidencia, Relacions Institucionais e Administración Pública do 1 de abril de 2002.

De acordo co Decreto 223/2003, do 11 de abril, polo que se establece a estructura orgánica da Consellería de Innovación, Industria e Comercio e se distribúe a competencia para o exercicio da potestade sancionadora, as competencias atribuídas á Secretaría Xeral de Investigación e Desenvolvemento foron asumidas pola Dirección Xeral de Investigación e Desenvolvemento da Consellería de Innovación, Industria e Comercio.

Na súa virtude, de acordo co establecido nas bases da convocatoria e atendendo ás dispoñibilidades de crédito e á proposta elaborada pola Comisión de Selección de Investigación, creada polo Decreto 37/1998, (DOG do 6 de febreiro) e á orde da

Consellería de Innovación, Industria e Comercio, do 11 de marzo de 2003 (DOG do 19 de marzo), esta consellería

RESOLVE:

Primeiro.-Concedérlle-las axudas para a asistencia a reunións científicas ás persoas que se relacionan no anexo I desta resolución e na contía que se especifica. Estas axudas están cofinanciadas polo Fondo Social da Comunidade Europea.

Segundo.-As subvencións de que se trata faranse efectivas mediante libramento único e directo ós beneficiarios sempre que cumpran os requisitos establecidos no punto 6 das bases da convocatoria (orde da Consellería da Presidencia, Relacions Institucionais e Administración Pública do 1 de abril de 2002, DOG do 10 de abril).

Terceiro.-O incumprimento por parte dos beneficiarios de calquera das bases establecidas na orde de convocatoria suporá a perda do dereito a percibi-la subvención correspondente.

Cuarto.-Contra a presente resolución poderán os interesados interpoñer potestativamente recurso de reposición ante o mesmo órgano no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 28 de maio de 2003.

Juan Rodríguez Yuste

Conselleiro de Innovación, Industria e Comercio

ANEXO

CONSELLERÍA DE CULTURA, COMUNICACIÓN SOCIAL

E TURISMO