Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: variante L.A.T. 66 kV Mesón-Eirís, entre os apoios 278-280.
Situación: Culleredo.
Características técnicas: liña eléctrica aérea de alta tensión a 66 kV Mesón-Eirís, sobre apoios metálicos de celosía implantando un novo apoio nº 279A e tendido novos conductores LA 180 mm de 371 m lonxitude entre os apoios nº 278 e nº 280, en inmediacións colexio maior século XXI da Zapateira. Concello de Culleredo.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 30 de abril de 2003.
Jesús Espada Martínez
Delegado provincial da Coruña