DOG 110 do 09/06/2003 - ACORDO do 2 de xuño de 2003, do tribunal que xulgará as probas selectivas para o ingreso no corpo superior da Administración da Xunta de Galicia, grupo A, escala de finanzas, polo que se fai público o lugar, a data e a hora de realización do primeiro exercicio da fase de oposición.

IV. OPOSICIÓNS E CONCURSOS

CONSELLERÍA DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA

ACORDO do 2 de xuño de 2003, do tribunal que xulgará as probas selectivas para o ingreso no corpo superior da Administración da Xunta de Galicia, grupo A, escala de finanzas, polo que se fai público o lugar, a data e a hora de realización do primeiro exercicio da fase de oposición.

De conformidade co previsto na base II.2.4 da Orde do 10 de decembro de 2002, pola que se convoca proceso selectivo para o ingreso no corpo superior da Administración da Xunta de Galicia, grupo A, escala de finanzas (DOG nº 245, do 20 de decembro), e por acordo do tribunal designado para a selección dos aspirantes ó ingreso no dito corpo, adoptado na sesión que tivo lugar na data mencionada, faise público o lugar, a data e a hora nos que terá lugar o primeiro exercicio da fase de oposición e se convocan os aspirantes para o próximo día 21 de xuño, sábado, ás 10 horas na aula 1 da Facultade de Dereito de Santiago de Compostela.

Os aspirantes deberán comparecer no lugar indicado media hora antes da sinalada para o comezo do exercicio, provistos de DNI ou documento fidedigno acreditativo da súa identidade, lapis do nº 2 e goma de borrar.

Santiago de Compostela, 2 de xuño de 2003.

Gonzalo Vázquez Rivas

Presidente do tribunal