O presidente, actuando no nome e na representación do ente público Portos de Galicia segundo o previsto no artigo 6.3º da Lei 5/1994, do 29 de novembro, de creación do ente público Portos de Galicia, resolve adxudica-lo seguinte contrato:
Contratación dos traballos de consultoría e asistencia para a auditoría das contas anuais do exercicio económico-orzamentario do ano 2002 do ente público Portos de Galicia.
1. Entidade adxudicadora.
a) Organismo: Portos de Galicia.
b) Número de expediente: 4-003004.
2. Obxecto do contrato.
a) Tipo de contrato: administrativo.
b) Descrición do obxecto: consultoría e asistencia para a auditoría das contas anuais do exercicio económico-orzamentario de 2002 para o ente público Portos de Galicia.
c) Boletín ou diario oficial e data de publicación do anuncio de licitación: Diario Oficial de Galicia número 52, do 14 de marzo de 2003.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Orzamento base de licitación.
Importe total: 18.030,36 euros.
5. Adxudicación.
a) Data: 25 de abril de 2003.
b) Contratista: Ernst & Young, S.L.
c) Nacionalidade: española.
d) Importe adxudicación: 17.000 euros.
6. Outras informacións: en cumprimento do previsto no artigo 58 da vixente Lei de réxime xurídico das administracións públicas e do procedemento administrativo común, do 26 de novembro de 1992, modificada pola Lei 4/1999, do 14 de xaneiro, noti
fícase, advertíndose que esta resolución pon fin á vía administrativa e é susceptible de recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados a partir do día seguinte ó da publicación desta resolución, de conformidade co artigo 46 da Lei reguladora da xurisdicción contencioso-administrativa.
Sen embargo, o interesado poderá optar por interpoñer contra esta resolución recurso de reposición, no prazo dun mes a partir do día seguinte ó da súa publicación, ante o mesmo órgano que a dictou, de acordo co disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 14 de xaneiro.
O que se fai público para os efectos do previsto no artigo 93 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
Santiago de Compostela, 6 de maio de 2003.
Carlos Negreira Souto
Presidente do ente público Portos de Galicia