A Delegación Provincial de Lugo tramitou expediente de dilixencias previas 40/2002, seguidas en virtude de denuncia formulada por Lidia Sendón Esperante como propietaria da vivenda 4º E da rúa Estrada da Granxa, 120 de Lugo, contra a promotora inmobiliaria Luseryma, S.L., finalizando este trámite con requirimento á promotora inmobiliaria para que emende as deficiencias observadas na referida vivenda.
As obras de reparación que hai que realizar son as necesarias para emenda-las deficiencias observadas consistentes en:
-Filtración de auga a través da cuberta do teito do baño.
-Condensación en dormitorios baixo cuberta, nos encontros de forxado de cuberta e cerramentos.
-Fisuras en paredes dos dormitorios de baixo cuberta e teito de baño.
-Solado porcelánico de corredor con esmalte raiado nas entradas ás dependencias con tarima de madeira.
-Ventá de baixo cuberta con cristal raiado e carpintería reformada por golpe exterior.
Para tal fin concédeselle á empresa un prazo de 10 días para a remisión de proxecto e orzamento a esta delegación provincial e un prazo de 30 días para a súa execución.
A non realización das obras nos prazos sinalados determinará a iniciación do oportuno expediente sancionador.
Lugo, 28 de abril de 2003.
Antonio Boné Pina
Delegado provincial de Lugo