Con sustentación na proposta contida na acta da sesión realizada o 8 de maio de 2003 pola comisión seleccionadora para a adxudicación de bolsas de estadía de persoal dos departamentos de estudios galegos de universidades de fóra da Comunidade Autónoma de Galicia e a súa colaboración en proxectos de investigación que se están a desenvolver no Centro Ramón Piñeiro para a Investigación en Humanidades, segundo convocatoria anunciada pola Consellería de Educación e Ordenación Universitaria no DOG nº 42, do 28 de febreiro de 2003, e de conformidade co establecido na base sexta da referida orde de convocatoria, esta consellería
RESOLVE:
Primeiro.-Conceder doce bolsas de estadía de persoal dos departamentos de estudios galegos de universidades de fóra da Comunidade Autónoma de Galicia e a súa colaboración en proxectos de investigación que se están a desenvolver no Centro Ramón Piñeiro para a Investigación en Humanidades, segundo se detallan no anexo a esta resolución.
Segundo.-De acordo co establecido na base segunda da convocatoria, a asignación mensual das bolsas ás que se refire o parágrafo anterior será a recollida no anexo que se xunta, coa retención fiscal que corresponda.
Terceira.-Contra esta resolución poderase interpoñer recurso potestativo de reposición perante o conselleiro de Educación e Ordenación Universitaria no prazo dun mes contado a partir do día seguinte ó da súa publicación do Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), ou ben directamente o recurso contencioso-administrativo, previsto na Lei 29/1998, do 13 de xullo, reguladora da xurisdicción contencioso-administrativa, perante o Tribunal Superior de Xustiza de Galicia, no prazo de dous meses contados a partir do día seguinte ó da notificación desta resolución. En todo caso, non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición.
Santiago de Compostela, 16 de maio de 2003.
Celso Currás Fernández
Conselleiro de Educación e Ordenación
Universitaria
ANEXO
Nome e apelidos Procedencia Estadía Importe/mes
Dantas de Oliveira, Carlos J. Fortaleza (Brasil) 1-6 a 31-12 721,21 Schlegel, Kate New York (USA) 1-6 a 31-12 721,21 Rabartin, Céline París (Francia) 1-9 a 31-12 601,01 Bonnamy, Valérie Rennes (Francia) 1-7 a 31-8 601,01 Ávalos Castillo, María Paz Chile 1-9 a 31-12 721,21 Quaranta, Ilaria Perugia (Italia) 1-9 a 31-12 601,01 Lois Barrio, María D. Madrid 1-6 a 30-9 510,86 Masini, Manuele Pisa (Italia) 15-7 a 14-10 601,01 Mckevitt, Kerry Ann Oxford 20-6 a 19-9 601,01 Sodaro, Giorgia Roma (Italia) 15-6 a 14-9 601,01 Calzadilla Martínez, Mauricio Cuba 1-7 a 31-12 721,21 Echegaray de la Cruz, Estíbaliz Bizcaia 20-6 a 19-10 510,86