A Dirección Xerencia do Hospital Comarcal Valdeorras, en virtude das atribucións que lle foron delegadas conforme o establecido no artigo sexto da orde da Consellería de Sanidade do 14 de marzo de 2002 (DOG nº 66, do 5 de abril), unha vez rematados os trámites administrativos correspondentes, resolve convoca-la seguinte contratación:
1. Entidade adxudicadora:
a) Denominación: Hospital Comarcal Valdeorras.
b) Dependencia que tramita o expediente: Servicio de Xestión Económica, Financeira e Orzamentaria-Unidade de Contratación.
c) Expediente: C.P. 2/2003.
2. Obxecto do contrato:
a) Descrición do obxecto: prestación do servicio de limpeza e desinfección do Hospital Comarcal Valdeorras.
b) División por lotes: non.
c) Variantes: non se admiten.
d) Lugar de execución: edificios e instalacións situados na avda. Conde de Fenosa nº 50, 32300 O Barco de Valdeorras, Ourense.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
c) Forma: concurso público.
4. Orzamento máximo de licitación: 1.070.694 euros, IVE incluído.
5. Garantía provisional: 21.413,88 euros.
6. Prazo de execución: 2 anos contados desde a formalización.
7. Documentación e información: o prego de cláusulas administrativas particulares e demais documentación complementaria poderán ser solicitados na Unidade de Contratación do Hospital Comarcal Valdeorras, avda. Conde Fenosa nº 50, 32300 O Barco de Valdeorras, Ourense, teléfono: 988 33 90 61, fax: 988 32 50 56, ata o 10 de xullo de 2003.
8. Requisitos que deberá cumpri-lo contratista:
a) Clasificación (empresas españolas): grupo U, subgrupo I, categoría C ó grupo III, subgrupo 6, categoría C (segundo o disposto pola disposición transitoria única do Real decreto 1098/2001, do 12 de outubro, RXCAP).
b) Solvencia económica e financeira (empresas estranxeiras): mediante acreditación libre por un ou varios dos medios referidos no artigo 16 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas (TRLCAP) (BOE nº 148, do 21 de xuño).
c) Solvencia técnica e profesional (empresas estranxeiras): mediante acreditación libre por un ou varios dos medios referidos no artigo 19 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas (TRLCAP) (BOE nº 148, do 21 de xuño).
d) Forma xurídica que deberá adopta-la unión de empresas adxudicatarias do contrato: unión temporal de empresas, de acordo co establecido no artigo 24 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas (TRLCAP) (BOE nº 148, do 21 de xuño).
9. Criterios de adxudicación:
-Prezo: ata 40 puntos.
-Persoal ofertado, con distribución do nº de horas anuais ofrecidas, reflectindo quendas, áreas de traballo e tipo de limpeza: ata 40 puntos.
-Procedementos e medios materiais usados para a prestación do servicio: ata 10 puntos.
-Innovacións, actualizacións e achega de melloras: ata 10 puntos.
10. Presentación de ofertas:
a) Documentación que hai que presentar: a referida nos pregos de cláusulas administrativas particulares e de prescricións técnicas.
b) Linguas nas que se poderán redacta-las ofertas: galego ou castelán.
c) Lugar de presentación: rexistro xeral do Hospital Comarcal Valdeorras. Avda. Conde de Fenosa, nº 50, 32300 O Barco de Valdeorras, Ourense.
d) Data límite de recepción de ofertas: antes das 14.00 horas do día 17 de xullo de 2003.
11. Apertura das ofertas: será realizada pola mesa de contratación reunida, en acto público, na sala de xuntas do Hospital Comarcal Valdeorras, avda. Conde de Fenosa nº 50, 32300 O Barco de Valdeorras, Ourense, ás 11.00 horas do día 28 de xullo de 2003.
12. Prazo de mantemento das ofertas: 3 meses contados a partir da súa data de apertura.
13. Gastos de publicidade: os anuncios serán por conta do adxudicatario do contrato.
14. Data de envío do anuncio ó Diario Oficial das Comunidades Europeas: 26 de maio de 2003.
15. Consulta dos pregos: http://www.sergas.es
O Barco de Valdeorras, 12 de maio de 2003.
Dionisio López Bellido
Director xerente do Hospital Comarcal
do Barco de Valdeorras