A directora xerente de Atención Primaria de Ourense, en virtude das atribucións que lle foron delegadas conforme o establecido no artigo 6 da orde da Consellería de Sanidade de 14 de marzo de 2002, sobre delegación de competencias en órganos centrais e periféricos (DOG nº 66, do 5 de abril) e unha vez cumpridos os trámites administrativos correspondentes, resolve anuncia-las licitacións que a seguir se citan:
* Nº de referencia do expediente: CP-SX-4/2003.
1. Obxecto: servicio de limpeza no centro de saúde e PAC de Ribadavia.
2. Orzamento total: 96.000 euros (IVE incluído).
Ano 2003: 24.000 euros.
Ano 2004: 48.000 euros.
Ano 2005: 24.000 euros.
3. Garantías:
-Provisional: 2% do orzamento do contrato (1.920 euros).
-Definitiva: 4% do importe de adxudicación.
4. Clasificación: non se esixe.
* Nº de referencia do expediente: CP-SX-5/2003.
1. Obxecto: servicio de limpeza no centro de saúde e SNU Novoa Santos.
2. Orzamento total: 110.000,16 euros (IVE incluído).
Ano 2003: 27.500,04 euros.
Ano 2004: 55.000,08 euros.
Ano 2005: 27.500,04 euros.
3. Garantías:
-Provisional: 2% do orzamento do contrato (2.200 euros).
-Definitiva: 4% do importe de adxudicación.
4. Clasificación: non se esixe.
* Nº de referencia do expediente: CP-SX-6/2003.
1. Obxecto: servicio de limpeza no centro de saúde e PAC de Verín.
2. Orzamento total: 130.000,08 euros (IVE incluído).
Ano 2003: 32.500,02 euros.
Ano 2004: 65.000,04 euros.
Ano 2005: 32.500,02 euros.
3. Garantías:
-Provisional: 2% do orzamento do contrato (2.600 euros).
-Definitiva: 4% do importe de adxudicación.
4. Clasificación: grupo U, subgrupo 1, categoría A.
As condicións que rexerán os expedientes relacionados son as contidas nos puntos seguintes do nº 5 ó nº 15 ambos inclusive.
5. Forma de adxudicación: concurso público, polo procedemento aberto e tramitación ordinaria.
6. Prazo de execución: dous anos, desde o 1 de xullo de 2003 ou data de comezo efectivo da vixencia do contrato unha vez formalizado, se é posterior.
7. Admisión de variantes: non se admiten variantes.
8. Criterios de adxudicación: ver punto 16 da folla de especificacións do prego de cláusulas administrativas particulares.
9. Solvencia económica e financeira: acredítarase por algún dos medios indicados no artigo 16 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
10. Solvencia técnica: acreditase por algún dos medios indicados no artigo 19 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
11. Documentos de interese para os licitadores: os pregos de cláusulas administrativas e demais documentación complementaria poden ser solicitados no departamento de Servicios Xerais da Xerencia de Atención Primaria en Ourense, sita na avda. de Zamora, 13-5º andar, 32005 Ourense, teléfono: 988 38 64 37, fax: 988 38 64 50, tódolos días laborais, agás sábados, durante as horas hábiles de oficina. Tamén poderán ser consultados na páxina da Internet do Sergas (www.sergas.es).
12. Presentación das proposicións: as proposicións deberán presentarse en man, en sobres pechados e asinados polo licitador ou persoa que o represente, no Rexistro da Xerencia de Atención Primaria de Ourense, antes das 14.00 horas do décimo quinto día natural contado a partir do seguinte ó da publicación desta resolución no Diario Oficial de Galicia, ou enviadas por correo do xeito indicado no prego de cláusulas administrativas particulares.
13. Apertura das proposicións: será realizada pola mesa de contratación, reunida en acto púlbico, na sala de xuntas da Xerencia de Atención Primaria de Ourense, a partir das 9.00 horas do décimo primeiro día natural contado a partir do seguinte ó que remate o prazo de presentación das ofertas. No caso de que o devandito día coincida en sábado ou festivo, a apertura das proposicións terá lugar o seguinte día hábil.
14. Documentación que deberán xunta-los licitadores: os documentos sinalados no prego de cláusulas administrativas particulares.
15. Anuncios: o pagamento dos anuncios deste concurso público serán por conta dos adxudicatarios dos contratos.
Ourense, 28 de abril de 2003.
Eloína Núñez Masid
Directora xerente de Atención Primaria de Ourense