Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Grupo Casaio, S.A.

Domicilio social: Casaio, 32330 Carballeda de Valdeorras.

Denominación: L.M.T., CT., nave elaboración de lousa.

Situación: Bostelo-Casaio (Carballeda de Valdeorras).

Descricións técnicas: liña aéreo-soterrada a 20 kV, de 561 m de lonxitude aérea máis 20 m soterrada, con orixe no apoio nº 13 da L.M.T. canteiras Casaio, e remata no C.T. proxectado en caseta con 400 kVA, R/T 20.000/380-220 V.

Cumpridos os trámites ordenados na Lei 54/1997, do 27 de novembro, e no capítulo II do R.D. 1955/2000, do 1 de decembro, sobre autorización de instalación eléctrica, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo de vinte días contados a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 8 de abril de 2003.

Ramón Fernández-Linares Bouza

Delegado provincial de Ourense