Mediante Resolución do 11 de decembro de 2002, da Dirección Xeral de Conservación da Natureza, convócanse as probas para a obtención do certificado de capacitación para o adestramento de cans no ámbito da Comunidade Autónoma de Galicia (DOG nº 251, do 30 de decembro de 2002).
Na base sexta da dita resolución establécese que o tribunal cualificador das probas será designado por resolución do director xeral de Conservación da Natureza, que se publicará no DOG. Nesta resolución fixarase, así mesmo, a data e o lugar de realización das probas.
En virtude da citada competencia,
RESOLVO:
Primeiro.-Proceder ó nomeamento dos membros do tribunal cualificador -titular e suplente- das probas para a obtención do certificado de capacitación para o adestramento de cans no ámbito da Comunidade Autónoma de Galicia:
Tribunal titular.
Presidente: Francisco García-Bobadilla Prósper, director xeral de Conservación da Natureza.
Secretaria: Marta Muñoz Mendoza, veterinaria adscrita á Dirección Xeral de Conservación da Natureza.
Vocais:
Miguel Ángel Alonso Calvo, garda civil pertencente ó Servicio Cinolóxico.
Juan Antonio Lanzó, adestrador e xuíz internacional para probas de traballo Regulamento R.C.I. da Real Sociedad Canina de España.
Nuria Rodríguez Canabal, xefa da Sección Xurídica do Servicio Técnico Xurídico.
Tribunal suplente.
Presidente: Xosé Lago García, subdirector xeral de Espacios Naturais e Biodiversidade.
Secretario: José Manuel Pena Regueiro, xefe da Sección de Conservación da Biodiversidade.
Vocais:
Javier Turrillo Montiel, xefe do Servicio de Conservación da Biodiversidade.
José Francisco Rico Rodríguez, adestrador e xuíz internacional para probas de traballo Regulamento R.C.I. da Real Sociedad Canina de España.
Román Lewicky, veterinario.
De conformidade co disposto no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, os membros do tribunal poderán ser recusados polos aspirantes por calquera das causas previstas no artigo 28 da dita lei.
Segundo.-As probas desenvolveranse na Escola Galega de Administración Pública, sita na rúa de Madrid 2-4, Polígono das Fontiñas, en Santiago de Compostela, o día 12 de xuño de 2003, ás 10 horas.
Santiago de Compostela, 19 de maio de 2003.
Francisco García-Bobadilla Prósper
Director xeral de Conservación da Natureza
