Con data 25 de abril de 2003, o delegado provincial da Consellería de Sanidade da Coruña dictou resolución do expediente sancionador nº 250/2002 incoado na Delegación Provincial da Consellería de Sanidade da Coruña a El Rincón del Manzano, S.L.

Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común,

modificada por Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícase a El Rincón del Manzano, S.L. o contido da referida resolución que figura como anexo, para que poida ter coñecemento dela.

Así mesmo, fáiselle sabe-lo dereito que o asiste para interpor recurso de alzada ante o conselleiro de Sanidade no prazo dun mes, contado desde o seguinte á publicación da presente cédula, segundo establece o artigo 115 da Lei 30/1992, do 26 de novembro, lembrándolle o seu dereito a consulta-lo expediente, depositado nas dependencias desta delegación, sita na rúa Gregorio Hernández, 2-4, A Coruña e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.

En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en calquera oficina de Caixa Galicia Cta. Contable 840. Código 001 ou na Caixanova Recadación Xunta: modelo XTAX e, empregando os impresos normalizados que lle serán facilitados nas dependencias desta delegación provincial. O pagamento voluntario porá fin ó expediente. De non facelo así, procederase ó seu cobramento pola vía de constrinximento.

A presente cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 30/1992, do 26 de novembro.

A Coruña, 9 de maio de 2003.

Jorge Suanzes Hernández

Delegado provincial da Coruña

ANEXO

Nº de expediente: 250/2002.

Denunciado: El Rincón del Manzano, S.L.

DNI/NIF: B1573991.

Último enderezo coñecido: Sobre a Igrexa, nº 1. Bergondo.

Feito imputado: infraccións á lexislación aplicable en materia de restauración colectiva.

Precepto/s presuntamente infrinxido/s: art. 35.A.3 da Lei 14/1986, xeral de sanidade; arts. 2.1º.1 e 2.2 do R.D. 1945/1983, sobre infraccións e sancións en materia de defensa do consumidor e da producción agroalimentaria; arts. 3.3º; 3.4º; 6.2º; 6.3º e 7.3º do R.D. 3484/2000, polo que se establecen as normas de hixiene para a elaboración, distribución e comercio de comidas preparadas e o cap. I e II do R.D. 2207/1995 polo que se establecen as normas de hixiene relativas ós productos alimenticios.

Tipificación: leve.

Sanción imposta: 300,51 euros. Trescentos euros con cincuenta e un céntimos.