Examinado o expediente iniciado polas titularidades dos centros privados La Milagrosa e Santa María de Tui (Pontevedra), no que solicitan a integración do centro privado La Milagrosa de Tui no centro privado Santa María de Tui (Pontevedra).
Vistos a Lei 1/1990, do 3 de outubro (BOE do 4 de outubro), de ordenación xeral do sistema educativo; a Lei orgánica 10/2002, do 23 de decembro, de cali
dade da educación; o Real decreto 1004/1991, do 14 de xuño (BOE do 26 de xuño), polo que se establecen os requisitos mínimos dos centros que imparten ensinanzas de réxime xeral non universitarias; o Decreto 133/1995, do 10 de maio (DOG do 22 de maio), sobre autorización de centros docentes privados para impartir ensinanzas de réxime xeral non universitarias, e a Orde do 20 de setembro de 1995 (DOG do 15 de decembro) que o desenvolve.
Tendo en conta que, á vista da documentación presentada, reúne os requisitos esixidos pola lexislación vixente.
Esta consellería, por proposta da Dirección Xeral de Centros e Ordenación Educativa,
DISPÓN:
Primeiro.-Autoriza-la integración do centro privado La Milagrosa de Tui no centro privado Santa María de Tui (Pontevedra). Como consecuencia desta integración o mencionado centro privado La Milagrosa (código 36009861) queda suprimido.
Segundo.-A integración, que por esta orde se autoriza, non suporá incremento do número de unidades que segundo a Orde do 22 de abril de 2003 (DOG do 8 de maio) ten autorizadas o centro privado Santa María de Tui.
Terceiro.-As axudas económicas para 2 unidades do segundo ciclo de educación infantil (4 e 5 anos) que lle corresponden ó centro privado La Milagrosa de Tui, segundo a Orde do 5 de decembro de 2002 (DOG do 13 de decembro) entenderanse referidas, para tódolos efectos e sen que supoña incremento do gasto público, ó centro privado Santa María de Tui (Pontevedra).
Cuarto.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.
Quinto.-Esta orde entrará en vigor o día seguinte ó da súa publicación no Diario Oficial de Galicia.
Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.
Santiago de Compostela, 15 de maio de 2003.
Celso Currás Fernández
Conselleiro de Educación e Ordenación
Universitaria
ANEXO
Provincia: Pontevedra.
Concello: Tui.
Localidade: Tui.
Enderezo: Os Maristas, s/n.
Código do centro: 36019876.
Denominación: centro privado Santa María.
Titular: Hermanos Maristas.
Composición resultante:
a) Centro de educación infantil: 3 unidades do segundo ciclo.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.