Por Resolución do 21 de marzo de 2003, da Dirección Xeral de Industria, Enerxía e Minas, autorizáronse as instalacións electromecánicas, aprobouse o proxecto de execución e declarouse a utilidade pública en concreto do Parque Eólico Goia-Peñote.

Esta declaración de utilidade pública, de conformidade co disposto no artigo 54 da Lei 54/1997, do sector eléctrico, leva implícita en todo caso a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.

Na súa virtude, esta delegación provincial, en cumprimiento do disposto no devandito artigo 52 da Lei de expropiación forzosa, resolveu convoca-los titulares de bens e dereitos afectados, cos que non se chegou a un acuerdo e que se relacionan no anexo, para que comparezan nos concellos de Xermade, Vilalba e Muras (Lugo), como punto de reunión para, de conformidade co procedemento que establece o citado artigo, levar a cabo o levantamiento de actas previas á ocupación.

As afeccións designadas na relación de bens e dereitos son as seguintes:

Zapatas e plataforma. Superficie de expropiación de pleno dominio dos terreos afectados.

Voo. Servidume de voo. A devandita afección supón 2.642,07 m/aeroxerador.

Viais. Servidume de paso das vías polas que circularán os transportes durante a construcción do parque así como durante a etapa de mantemento deste. O largo que ocuparán as vías incluídas as foxas é de 6,6 metros.

Gabias. Servidume de paso da liña soterrada de 20 kV. O largo de devandita gabia é de 1,5 metros.

P.E. Superficie de protección eólica. Terreo protexido desde o punto de vista eólico para permiti-la libre circulación do vento nas proximidades do aeroxerador. Poderán realizarse actividades agrícolas e gandeiras pero non actividades forestais ou calquera actividade que impedise o libre tránsito do aire por estas zonas.

O.T. Ocupación temporal dos terreos durante o prazo que duren as obras.

Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados pola persoa debidamente autorizada, achegando os documentos acreditativos da súa titularidade e o último recibo da contribución,

podéndose acompañar dos seus peritos e dun notario, se o estiman oportuno, cos gastos pola súa conta.

Así mesmo, advírteselles a tódolos interesados afectados que poderán formular alegacións por escrito nesta delegación provincial ata o momento do levantamento das actas previas, para os únicos efectos de emendar posibles erros na relación de bens e dereitos afectados.

Desta convocatoria darase traslado a cada interesado mediante a oportuna cédula de citación individual, na que se lle sinalará día e hora para o levantamiento de actas.

Esta publicación realízase igualmente, para os efectos que determina o artigo 59.4º da Lei 30/1992, do réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación.

No expediente expropiatorio asumirá a condición de beneficiaria a empresa Gamesa Energía, S.A.

Lugo, 6 de maio de 2003.

Jesús Bendaña Suárez

Delegado provincial de Lugo

ANEXO

Relación de bens e dereitos afectados

Levantamento actas Parque Eólico Goia-Peñote

Muras

Xermade

Vilalba