Rematado o proceso selectivo convocado pola Orde do 12 de decembro de 2001 (DOG nº 245, do 20 de decembro) para o ingreso no corpo superior de Administración da Xunta de Galicia (grupo A), escala superior de estatísticos, e celebrado o acto previsto na Orde do 8 de maio de 2003.
Esta consellería, de conformidade co disposto na Lei 4/1988, do 26 de maio, da función pública de Galicia, no Decreto 95/1991, polo que se aproba o Regulamento de selección de persoal de Administración da Xunta de Galicia, demais normas concordantes e nas bases da convocatoria do devandito proceso selectivo,
DISPÓN:
Nomear funcionarios do corpo superior de Administración da Xunta de Galicia (grupo A), escala superior de estatísticos, os aspirantes que superaron o proceso selectivo polo sistema de acceso libre e que se relacionan no anexo desta orde, de acordo
coa puntuación final obtida, e adxudicándolle, como destino definitivo, o que figura no anexo.
Para adquiri-la condición de funcionarios, as persoas ás que se refire o anexo desta orde deberán cumpri-los requisitos esixidos no artigo 45 da Lei 4/1988, do 26 de maio, da función pública de Galicia, e tomar posesión do correspondente posto de traballo no prazo legalmente previsto.
O prazo de toma de posesión comezará a computarse a partir do día seguinte ó da publicación desta orde no Diario Oficial de Galicia.
Contra esta orde, que pon fin á vía administrativa, poderase interpoñer recurso potestativo de reposición ante esta consellería no prazo dun mes contado desde o día seguinte ó da publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde esa mesma data, de conformidade co establecido na Lei 29/1998, do 13 de xullo.
Santiago de Compostela, 20 de maio de 2003.
Jaime Pita Varela
Conselleiro da Presidencia, Relacións Institucionais
e Administración Pública
ANEXO
Corpo superior de Administración da Xunta de Galicia (grupo A)
Escala superior de estatísticos
Acceso libre.
Apelidos e nome DNI Código Denominación Nivel Concello Provincia Carácter
Villar Cheda, María Estefanía 32673611 EFA010000015770004 Posto base grupo A 20 Santiago de Compostela A Coruña Definitivo
Díaz Doutón, Rosa María 33294822 EFA010000015770002 Posto base grupo A 20 Santiago de Compostela A Coruña Definitivo
Silveira Calviño, Solmary 33296796 EFA010000015770011 Posto base grupo A 20 Santiago de Compostela A Coruña Definitivo
Jacome Rodríguez, Raúl 76823077 EFA010000015770003 Posto base grupo A 20 Santiago de Compostela A Coruña Definitivo