Vista a acta da revisión salarial para o ano 2003 do convenio colectivo do sector de industrias e comercio vitivinícolas, con nº de código 3600815, que tivo entrada nesta delegación provincial o día 21-3-2003, subscrita en representación da parte económica pola Asociación Provincial de Empresarios de Viños e Licores, e da parte social, polas centrais sindicais UGT e CIG, con data 10-3-2003. De conformidade co disposto no artigo 9º do convenio colectivo e no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 9 de abril de 2003.
Joaquín Macías Sánchez
Delegado provincial de Pontevedra
Convenio colectivo provincial para as industrias e comercio vitivinícolas de Pontevedra
En Vigo, sendo as 19 horas, reúnense nos locais da Confederación Intersindical Galega (CIG) as persoas abaixo citadas:
Representantes da parte social:
Luciano Villar González (CIG).-Ignacio Couñago Lara (UGT).
Representantes da parte económica:
Carlos Villanueva.
Ámbalas dúas partes reúnense para aplica-lo aumento salarial para o ano 2003 que figura no artigo 9 do convenio colectivo en vigor, que consiste no IPC previsto polo goberno máis o 0,5% (2,5%) polo que se acorda actualiza-las táboas e demais conceptos económicos na porcentaxe antes mencionada como se detallan a continuación:
Artigo 13º.-Axudas de custo.
Media axuda de custo: 7,60 A.
Axuda de custo completa: 5,90 A.
Artigo 14º.-Complemento de incapacidade: 56 A.
Artigo 16º.-Complemento de locomoción: 6,23 A.
Artigo 20º.-Seguro de accidentes:
En caso de morte: 15.228 A.
En caso de incapacidade: 26.530 A.
Artigo 21º.-Xubilacións: 1.107 A.
Quedan ó remate aceptadas polas dúas partes as modificacións do convenio mencionado nesta acta.
Vigo, 10 de febreiro de 2003.
Táboa salarial
Ano 2003
Grupo A. Técnicos/as titulados: a) Con título superior 669,33 A b) Con título inferior 641,65 A c) Practicante 540,90 A
Técnicos/as non titulados: a) Encargado/a xeral de bodega ou fábrica 615,00 A b) Encargado/a de laboratorio 590,40 A c) Axudante de laboratorio 565,80 A d) Auxiliar 565,80 A
Grupo B. Administrativos/as: a) Xefe/a de primeira 641,65 A b) Xefe/a de segunda 615,00 A c) Oficial de primeira 590,40 A d) Oficial de segunda 565,80 A e) Auxiliar 556,58 A f) Aprendiz de 1º ano 492,00 A g) Aprendiz de 2º ano 506,35 A
Grupo C: a) Cobrador/a 556,58 A b) Almaceneiro/a 556,58 A c) Pesador/a ou basculeiro/a 556,58 A d) Garda xuramentado 556,58 A e) Vixilante ou sereno 556,58 A f) Porteiro/a 556,58 A g) Ordenanza 556,58 A h) Telefonista 556,58 A i) Mozo dos recados ou recadeiro/a 556,58 A k) Persoal de limpeza 556,58 A
Grupo D. Obreiros/as: a) Profesionais de oficio: -Capataz de bodega ou fábrica 616,03 A
-Encargado/a de sección 616,03 A -Oficial de primeira 590,40 A -Oficial de segunda 565,80 A -Encargado/a de cuadrilla 565,80 A b) Peóns especializados: -Categoría xeral 556,58 A -Embotelladora e etiquetadora 556,58 A c) Peóns: 556,58 A