Por resolución da Consellería da Presidencia, Relacións Institucionais e Administración Pública do 30 de decembro de 2002 (DOG do 7 de xaneiro de 2003) abriuse o prazo de solicitudes de axudas para adquisición de infraestructura científico-técnica e material bibliográfico, conforme as bases recollidas no anexo IV da orde da Consellería da Presidencia, Relacións Institucionais e Administración Pública do 1 de abril de 2002.

De acordo co Decreto 223/2003, do 11 de abril, polo que se establece a estructura orgánica da Consellería de Innovación, Industria e Comercio e se distribúe a competencia para o exercicio da potestade sancionadora, as competencias atribuídas á Secretaría Xeral de Investigación e Desenvolvemento foron asumidas pola Dirección Xeral de Investigación e Desenvolvemento da Consellería de Innovación, Industria e Comercio.

Na súa virtude, de acordo co establecido nas bases da convocatoria, e atendendo ás disponibilidades de crédito e á proposta elaborada pola Comisión de Selección de Investigación, creada polo Decreto 37/1998 (DOG do 6 de febreiro) e a orde da Consellería de Innovación, Industria e Comercio, do 11 de marzo de 2003 (DOG do 19 de marzo de 2003), esta consellería

RESOLVE:

Primeiro.-Concedérlle-las axudas para equipamento de infraestructura científico-técnica e material bibliográfico ós beneficiarios que se citan nos anexos I e II desta resolución, na contía que se sinala.

Segundo.-De conformidade coas bases 5 e 6 da convocatoria, os beneficiarios destas axudas deberán presentar, antes do 25 de setembro de 2003, a documentación seguinte:

1. Factura acreditativa da adquisición do material financiado.

2. Declaración complementaria, realizada polo beneficiario, do conxunto das axudas solicitadas, tanto aprobadas ou concedidas como as pendentes de resolución, para o mesmo material das distintas administracións públicas competentes ou dos seus organismos, entes ou sociedades.

3. Para as axudas superiores a 60.101,21 euros, xustificación documental na que conste, de forma

razoable e suficiente, a realización da actividade subvencionada.

A inobservancia dos beneficiarios de calquera dos requisitos establecidos na orde de convocatoria suporá a perda do dereito a percibi-la subvención correspondente.

Así mesmo, a comisión acordou establecer unha lista de suplentes para os efectos de posibles renuncias ou remanentes de créditos, estando esta constituída polos solicitantes que, por orde de prioridade decrecente, se relacionan no anexo III.

Terceiro.-Emitir informe favorable, de acordo coa proposta elaborada pola comisión, das solicitudes que por orde de prioridade decrecente se relacionan no anexo IV desta resolución e que corresponden a centros de investigación dependentes da Xunta de Galicia. De acordo co establecido no último parágrafo do punto 4 das bases da convocatoria, a Dirección Xeral de Investigación e Desenvolvemento adquirirá o dito equipamento de acordo coas súas dispoñibilidades orzamentarias e con cargo á aplicación orzamentaria 08.05.432A.628.0, cofinanciado con fondos Feder da UE.

Así mesmo, a comisión acordou establecer unha lista de suplentes para os efectos de remanentes de créditos; está constituída polos solicitantes que, por orde de prioridade decrecente, se relacionan no anexo V.

Cuarto.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 13 de maio de 2003.

Juan Rodríguez Yuste

Conselleiro de Innovación, Industria e Comercio

ANEXO I

ANEXO II

(*) OS EQUIPAMENTOS SINALADOS ENCÁDRANSE NAS ACCIÓNS DE INVESTIGACIÓN PROPOSTAS NO CONVENIO DE COLABORACIÓN DA XUNTA DE GALICIA E O MINISTERIO DE EDUCACIÓN, CULTURA E DEPORTE PARA A POSTA EN MARCHA DO PLAN DE AXUDAS PARA GALICIA DESTINADA ÓS AFECTADOS POLA CATÁSTROFE OCASIONADA POLO BUQUE PRESTIGE.

ANEXO III

(*) NO CASO DE FINANCIARSE, O EQUIPAMENTO SINALADO ENCADRARASE NAS ACCIÓNS DE INVESTIGACIÓN PROPOSTAS NO CONVENIO DE COLABORACIÓN DA XUNTA DE GALICIA E O MINISTERIO DE EDUCACIÓN, CULTURA E DEPORTE PARA A POSTA EN MARCHA DO PLAN DE AXUDAS PARA GALICIA DESTINADA ÓS AFECTADOS POLA CATÁSTROFE OCASIONADA POLO BUQUE PRESTIGE.

ANEXO IV

ANEXO V