Eu, María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 948/2002 por instancia de Iain Michael Tozer contra as empresas WSI Coruña, S.L. e WSI Coruña Dos, S.L. sobre despedimento nos que recaeu auto de aclaración de sentencia con data do 15-4-2003 que, copiada nos particulares necesarios, di así:

«Decido que hai lugar á aclaración solicitada e en consecuencia modifíquese o dictame da sentencia o cal quedará do teor literal seguinte: que estimando a demanda promovida por Iain Michael Tozer contra as empresas WSI Coruña, S.L. e WSI Coruña Dos, S.L. debo declarar e declaro improcedente o despedimento efectuado á actora na data 16-11-2002, e, así mesmo, extinguida a relación laboral ó día de hoxe, condenando as demandadas a que no prazo de cinco días contados desde a notificación desta resolución, aboen ó actor a cantidade de 17.009,98 euros no concepto de indemnización.

Notifíquese esta resolución ás partes facéndolles saber que contra ela non cabe recurso ningún, sen prexuízo do recurso de suplicación contra a sentencia final, que se poderá anunciar dentro dos 5 días seguintes ó da notificación deste auto, perante este xulgado, do que coñecerá, se é caso, a Sala do Social do Tribunal Superior de Xustiza de Galicia tal e como establecen os artigos 188 e seguintes da Ley de procedemento laboral.

Así o acordo e asino, S.Sª».

E para que conste, para efectos da súa publicación no Diario Oficial de Galicia co fin de que sirva de notificación ás empresas WSI Coruña, S.L. e WSI Coruña Dos, S.L., expido e asino esta cédula na Coruña o 15 de abril de 2003.

O secretario xudicial

Rubricado