Obxecto do contrato: é a subministración e implantación no Concello de Santiago de Compostela dun sistema informatizado de rexistro de entrada e saída e dun sistema de xestión de expedientes para Urbanismo, Secretaría Xeral e Contratación.

Tipo de licitación: 90.000 euros IVE incluído.

Prazo de execución: as prestacións que son obxecto deste contrato inciaranse a partir da data de formalización deste e da recepción da información necesaria para o comezo dos traballos, segundo o calendario proposto. O prazo de execución será como máximo de 12 meses.

O material contratado subministrarase no termo máximo de 3 semanas, contado, igualmente, desde a data de formalización do contrato.

Forma de adxudicación: concurso por procedemento aberto.

Proposicións: os licitadores poderá presentar proposicións no rexistro xeral do Concello de Santiago de Compostela, entre as 9 e as 14 horas, dentro do prazo de quince días naturais, contados desde o día seguinte ó da data da derradeira das publicacións que corresponden facer no DOG e no BOP da Coruña.

Clasificación do contratista: non se esixe.

Documentación e información: Concello de Santiago de Compostela. (Sección de Contratación). Teléfono 981 54 30 33. Fax 981 57 76 27.

Criterios de adxudicación: son os sinalados no artigo 14 do prego de condicións económico-administrativas.

Garantía provisional: 2% do tipo de licitación: 1.800 euros.

Garantía definitiva: 4% do importe de adxudicación.

Apertura de plicas: terá lugar en acto público na casa do concello (secretaría) ás 12 horas, o segundo

día hábil seguinte, non sábado, á finalización do prazo de presentación de proposicións.

Santiago de Compostela, 22 de abril de 2003.

Xosé A. Sánchez Bugallo

Alcalde