(859/2002). Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 859/2002, seguidos por instancia de Rodolfo Jesús de la Barrera Martínez contra a empresa ICOM Galicia, S.L. sobre salarios, nos que recaeu sentencia en data 3 de abril de 2003, que copiada nos particulares necesarios di así:
«Que estimando a demanda formulada por Rodolfo Jesús de la Barrera Martínez, contra a empresa ICOM Galicia, S.L. condeno a esta a aboarlle a cantidade de 3.014,19 euros que lle debe en concepto de salarios.
Notifíqueselle-la presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.
Prevese a empresa demandada de que para recorrer deberá acreditar ter ingresado na c/c de consignacións código 5604.0000.60 859-2002 de Banesto desta cidade, denominada Conta do Xulgado do Social Número Tres, o importe da condena e 150,25 euros en concepto de depósito; sen estes requisitos non será admitido a trámite o recurso quedando firme a sentencia.
Así por esta miña sentencia da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa ICOM Galicia, S.L., expido e asino a presente cédula na Coruña o 7 de abril de 2003.
O secretario xudicial
Rubricado