Convocado proceso selectivo para o ingreso no corpo de xestión de Administración da Xunta de Galicia (grupo B), escala de xestión de sistemas informáticos, mediante a orde da Consellería da Presidencia, Relacións Institucionais e Administración Pública do 20 de decembro de 2002 (DOG nº 250, do 27 de decembro), de conformidade coa base III.10 da convocatoria, correspóndelle ó tribunal fixa-lo lugar, a data e a hora de celebración do primeiro exercicio da fase de oposición.
O tribunal, en sesión celebrada o día 27 de abril de 2003,
ACORDOU:
1. Realiza-lo primeiro exercicio da fase de oposición o día 31 de maio de 2003, sábado, en chamamento único ás 10 horas na facultade de Económicas, sita na avda. Xoán XXIII, s/n en Santiago de Compostela (A Coruña).
2. Tódolos aspirantes deberán comparecer no lugar indicado provistos do DNI ou documento fidedigno acreditativo da súa identidade, a xuízo do tribunal, lapis do nº 2 e goma de borrar, de conformidade co establecido na base II.2.2 da convocatoria.
3. As listas dos opositores admitidos para a realización deste primeiro exercicio estarán expostas nos taboleiros de anuncios da Consellería da Presidencia, Relacións Institucionais e Administración Pública en San Caetano, Santiago de Compostela, nos das súas delegacións provinciais e nas oficinas comarcais da Xunta de Galicia en Ferrol, Vilalba, O Barco de Valdeorras, Lalín e Vigo.
4. Para efectos de aclaración dalgún punto dos incluídos nesta resolución, así como de información en xeral, poderase acudir ó teléfono de atención ó cidadán 902 12 00 12 e á páxina web da Xunta de Galicia: http://www.xunta.es.
Santiago de Compostela, 2 de maio de 2003.
Enrique Paseiro Pardal
Presidente do tribunal