Obxecto do contrato: é a subministración, instalación, configuración e posta en marcha dun sistema automático de control de presencia para distintas dependencias do Concello de Santiago de Compostela.
Tipo de licitación: 34.500 euros, IVE incluído.
Prazo de execución: as prestacións que son obxecto deste contrato iniciaranse a partir da data de formalización do mesmo e da recepción da información necesaria para o comezo dos traballos, segundo o calendario proposto. O prazo de execución será como máximo de 3 meses.
O material contratado subministrarase no termo máximo de 3 semanas, contado, igualmente, desde a data de formalización do contrato.
Forma de adxudicación: concurso por procedemento aberto.
Proposicións: os lictiadores poderán presentar proposicións no rexistro xeral do Concello de Santiago de Compostela, entre as 9 e as 14 horas, dentro do prazo de quince días naturais, contado desde o día seguinte á data da derradeira das publicacións que correspondan facer no Diario Oficial de Galicia e no BOP da Coruña.
Clasificación do contratista: non se esixe.
Documentación e información: Concello de Santiago de Compostela (Sección de Contratación). Tfno.: 981 54 30 33. Fax: 981 57 76 27.
Criterios de adxudicación: son os sinalados no artigo 14 do prego de condicións económico-administrativas.
Garantía provisional: 2% do tipo de licitación: 690 euros.
Garantía definitiva: 4% do importe de adxudicación.
Apertura de plicas: terá lugar en acto público na Casa do Concello (Secretaría) ás 12 horas, o segundo día hábil seguinte, non sábado, á finalización do prazo de presentación de proposicións.
Santiago de Compostela, 3 de abril de 2003.
José A. Sánchez Bugallo
Alcalde