Resultando necesario clarificar que a antigüidade no corpo de profesores de ensino secundario dos opositores que superaron este proceso selectivo alcanza tamén para os efectos de clases pasivas, procede darlle nova redacción ó punto terceiro da Orde do 14 de xaneiro de 2003.

Na súa virtude, esta consellería

DISPÓN:

O punto terceiro da Orde do 14 de xaneiro de 2003 pola que se fai pública a lista dos opositores que superaron o procedemento selectivo convocado por Orde do 16 de xullo de 2002 (DOG do 2 de setembro), para acceso ó corpo de profesores de ensino secundario, quenda especial, na especialidade de psicoloxía e pedagoxía, queda redactado do seguinte xeito:

«Terceiro.-Para os efectos de clases pasivas, da mobilidade e da carreira docente previstas nas disposicións adicionais novena e décimo primeira da Lei orgánica 10/2002, do 23 de decembro, de calidade da educación, ós aspirantes que superaron este procedemento selectivo e que están incluídos nas sentencias da Sala do Contencioso-Administrativo do Tribunal Superior de Xustiza de Galicia números 861/1990, do 1 de setembro, e 495/1993, do 29 de xullo, computaráselle-la antigüidade no corpo de profesores de ensino secundario desde a data na que se fixo efectiva a correspondente sentencia».

Santiago de Compostela, 24 de abril de 2003.

Celso Currás Fernández

Conselleiro de Educación e Ordenación Universitaria