DOG 85 do 05/05/2003 - RESOLUCIÓN do 21 de marzo de 2003, da Secretaría Xeral do Consello de Coordinación Universitaria, pola que se anuncia a data na que se celebrarán os sorteos para designa-los vocais que integran as comisións que xulgarán os concursos para a provisión de vacantes de corpos docentes universitarios.

IV. OPOSICIÓNS E CONCURSOS

CONSELLO DE COORDINACIÓN UNIVERSITARIA

RESOLUCIÓN do 21 de marzo de 2003, da Secretaría Xeral do Consello de Coordinación Universitaria, pola que se anuncia a data na que se celebrarán os sorteos para designa-los vocais que integran as comisións que xulgarán os concursos para a provisión de vacantes de corpos docentes universitarios.

Convocadas a provisión as prazas dos corpos docentes universitarios que se relacionan no anexo adxunto e dándolle cumprimento ó disposto no artigo 6 do Real decreto 1888/1984, do 26 de setembro (BOE do 26 de outubro), no artigo 1 do Real decreto 1427/1986, do 13 de xuño (BOE do 11 de xullo), e no artigo 17 e) do Real decreto 552/1985, do 2 de abril (BOE do 27 de abril).

Esta secretaría xeral resolveu sinala-la celebración dos sorteos correspondentes ás prazas sinaladas no citado anexo, co fin de designa-los membros das comisións que deben ser elixidos por este procedemento, para o día 28 de maio de 2003, ás dez horas, realizándose estes polo sistema informático aprobado pola Comisión Académica do Consello de Universidades na súa sesión do 14 de xullo de 1995, de modo secuencial, segundo a orde en que figuran relacionados no anexo citado.

Os ditos sorteos celebraranse na sede do Consello de Universidades (Cidade Universitaria, sen número, 28040 Madrid).

Para os efectos previstos no artigo 1 do Real decreto 1888/1984, do 26 de setembro, a partir da data desta resolución faranse públicas as relacións dos profesores que participarán nos sorteos no Consello de Coordinación Universitaria.

Das citadas relacións e no momento do sorteo serán excluídos aqueles profesores que:

-Pertenzan á mesma universidade á que corresponda a praza.

-Fosen designados para formar parte da comisión titular pola universidade á que corresponda a praza.

-Sexan aspirantes e pertenzan á mesma área de coñecemento á que corresponda a praza.

As reclamacións contra as referidas relacións formularanse antes do día 23 de maio de 2003, dirixidas á Secretaría Xeral do Consello de Coordinación Universitaria (Cidade Universitaria, sen número, 28040 Madrid).

Nos concursos nos que non existan profesores abondos do corpo e área de coñecemento a que corresponda a praza, aplicarase o disposto no artigo

1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.

O que lle comunico o V.I. para o seu coñecemento e efectos.

Madrid, 21 de marzo de 2003.

José T. Raga

Secretario xeral do Consello de Coordinación Universitaria

ANEXO

UNIVERSIDADE DE VIGO

* Concursos convocados por resolución da universidade do 20-11-2001 (BOE do 14 de decembro)

Concurso nº: 170/2001.

Nº de sorteo: 51.403.

Corpo: catedráticos de universidade.

Área de coñecemento: xornalismo.

Presidente titular: Alfonso Javier Fernández del Moral.

Vocal secretaria titular: María Pilar Diezhandino Nieto.

Concurso nº: 171/2001.

Nº de sorteo: 51.404.

Corpo: catedráticos de universidade.

Área de coñecemento: filosofía.

Presidente titular: Felipe Martínez Marzoa.

Vocal secretario titular: Félix Duque Pajuelo.

Concurso nº: 172/2001.

Nº de sorteo: 51.405.