Visto o expediente da revisión salarial para o 2002 e calendario laboral para o 2003 do convenio colectivo do sector de rematantes e serradoiros de madeira, que tivo entrada nesta delegación provincial ó día 19-3-2003 subscrito pola comisión paritaria o día 26-2-2003, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Concliación.

Terceiro.-Dispoñe-la súa publicación no Diario Oficial de Galicia.

A Coruña, 21 de marzo de 2003.

Elisa Madarro González

Delegada provincial da Coruña

Acta da comisión paritaria para a revisión salarial do ano 2002 do convenio colectivo provincial da Coruña de rematantes e serradoiros.

Asistentes.

Parte empresarial:

Benito García Sánchez

Ramón Romero Quintáns

Manuel Bouzas Collazo

UGT:

Jesús Mari Calvo Romero

Constantino Silva Picallos

José Carlos Rodríguez del Río

CC.OO.:

Santiago Huertas Pozurama

Argimiro González Pérez

CIG:

José Luis Rúa Lamas

Victorino Prado Ares

Vicente Moreira Sobrido

Na cidade de Santiago de Compostela, ás 17 horas do día 26 de febreiro de 2003, reúnese a comisión paritaria do convenio colectivo provincial de rematantes e serradoiros de madeira para, en cumprimento do establecido no artigo 32 do convenio, proceder á revisión salarial do período comprendido entre o 1 de xaneiro de 2002 e o 31 de decembro de 2002.

Dado o IPC oficial certificado polo INE o 31-12-2002 foi do 4%, procede efectuar unha revisión salarial adicional do 2% para fixa-las táboas salariais definitivas do ano 2002. A dita porcentaxe é a diferencia entre o IPC oficial do ano e a previsión de incremento do IPC tomada en consideración para a revisión salarial inicial.

Así mesmo, procédese á confección das táboas salariais e ós atrasos correspondentes, tal e como aparecen reflectidos no anexo que se xunta á presente acta.

E sen máis asuntos dos que tratar, levántase a sesión sendo as 17.30 horas da data enriba sinalada, asinando en conformidade a totalidade dos asistentes.

Acta da comisión paritaria do convenio colectivo provincial da Coruña de rematantes e serradoiros.

Asistentes.

Parte empresarial:

Benito García Sánchez

Ramón Romero Quintáns

Manuel Bouzas Collazo

UGT:

Jesús Mari Calvo Romero

Constantino Silva Picallos

José Carlos Rodríguez del Río

CC.OO.:

Santiago Huertas Pozurama

Argimiro González Pérez

CIG.:

José Luis Rúa Lamas

Victorino Prado Ares

Vicente Moreira Sobrido

Na cidade de Santiago de Compostela, ás 16.30 horas do día 26 de febreiro de 2003, reúnese a comisión paritaria do convenio colectivo provincial de

rematantes e serradoiros de madeira para a confección do calendario laboral que rexerá desde o 1 de xaneiro do ano 2003 ata o 31 de decembro deste ano.

As xornadas dos días 21 de abril, 2 de maio, 31 de outubro, 5 de decembro, 24 de decembro, 26 de decembro e 31 de decembro, así como catro horas do día 23 de decembro, decláranse festivos para os efectos de dar cumprimento ó cómputo anual de horas pactadas, que ascende a 1.772 horas.

Se algún festivo de convenio coincide cun festivo local, este pasará ó día anterior ou posterior laboral. Así mesmo, todas estas xornadas poderanse cambiar por outras que as empresas acorden cos seus representantes legais ou cos seus traballadores.

Ambalas dúas partes proceden á confección do citado calendario, o cal figura como anexo á presente acta.

E sen máis asuntos dos que tratar, levántase a sesión sendo as 17 horas da data enriba sinalada, asinando en conformidade a totalidade dos asistentes.