Ana María Carrasco García, secretaria do Xulgado do Social número catro da Coruña, da fe e certifica que neste xulgado se seguen autos número 349/2002, por instancia de Antonio González Millán contra o Instituto Nacional da Seguridade Social, Instituto Social da Mariña, Mutua Universal, Patronal Nascentia Internacional, S.L., e a Tesourería Xeral da Seguridade Social, sobre incapacidade nos que recaeu sentencia con data do 13-2-2003 que, copiada nos particulares necesarios, di así:

«Decido que, estimando a demanda formulada por Antonio González Millán, contra o Instituto Nacional da Seguridade Social, o Instituto Social da Mariña, a Mutua Universal, a Patronal Nascentia Internacional, S.L. e a Tesourería Xeral da Seguridade Social, debo declarar e declaro que o demandante se encontra na situación legal constitutiva de invalidez permanente parcial, na súa profesión habitual de primeira oficial máquinas, derivada do accidente de traballo, co dereito ó aboamento dunha cantidade a tanto alzado, consistente en 24 mensualidades da

súa base reguladora de 2.450,87 euros, condenando á Mutua Universal ó seu aboamento na contía, forma e efectos regulamentarios e o Instituto Nacional da Seguridade Social e á Tesourería Xeral da Seguridade Social nas súas respectivas responsabilidades. Absolvo a empresa Patronal Nascentia Internacional, S.L.

Notifíquese esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Patronal Nascentia Internacional, S.L., expido e asino esta cédula na Coruña o 27 de marzo de 2003.

A secretaria xudicial

Rubricado