O convenio de apoio financeiro ás pequenas e medianas empresas subscrito entre o Instituto Galego de Promoción Económica e as entidades financeiras, publicado mediante Resolución do 2 de abril de 2002 (DOG nº 70, do 11 de abril), prevé na súa cláusula 1ª a publicación no Diario Oficial de Galicia para o ano 2003 do volume de préstamos a subsidiar e o límite de crédito dispoñible para a concesión de axudas así como as partidas orzamentarias asignadas ó seu financiamento.

Con data do 27 de decembro de 2002 o Parlamento de Galicia aprobou os orzamentos xerais da Comunidade Autónoma de Galicia para o ano 2003, publicados mediante a Lei 6/2002 (DOG nº 251, do 30 de decembro de 2003).

Polo que antecede,

RESOLVO:

Único.-Facer público que para o ano 2003 o volume global de préstamos a subsidiar no ámbito do convenio de apoio financeiro ás pequenas e medianas empresas subscrito entre o Instituto Galego de Promoción Económica e as entidades financeiras, publicado mediante Resolución do 2 de abril de 2002 (DOG nº 70 do 11 de abril de 2003 non poderá superar 132 millóns de euros e que as axudas se financiarán con cargo ás aplicacións orzamentarias 02.01.01/01/13.656700 con un crédito plurianual (2003-2005) de 10.390.178,59 euros e 02.01.01/02/01.656700 con un crédito plurianual (2003-2005) de 521.445,46 euros.

Santiago de Compostela, 11 de abril de 2003.

Margarita Rodríguez Rama

Directora xeral do Instituto Galego

de Promoción Económica