Concluídos os traballos de reparto e aplicación do fondo de acción social para o ano 2002, e en uso das competencias atribuídas a esta dirección xeral no punto 2 das normas xerais de procedemento que rexen para o fondo de acción social do ano 2002, publicadas por Resolución do 16 de setembro de 2002, da Dirección Xeral de Relacións Laborais (Diario Oficial de Galicia nº 188, do 30 de setembro), procede dárlle-la debida publicidade ás listas definitivas das axudas do fondo e ó acordo final de concesión e distribución do citado fondo, unha vez transcorrido o prazo de alegacións previsto no punto segundo da Resolución do 1 de marzo de 2003 (Diario Oficial de Galicia nº 46, do 6 de marzo) e da Resolución do 18 de marzo de 2003 (Diario Oficial de Galicia nº 57, do 21 de marzo).
Polo tanto, dándolle cumprimento ó acordo da mesa xeral de negociación e ó disposto na Resolución do 16 de setembro de 2002, esta dirección xeral
DISPÓN:
Primeiro.-Que se publique no Diario Oficial de Galicia, como anexo a esta resolución, a distribución final da concesión das axudas do fondo de acción social para o exercicio de 2002.
Segundo.-Contra esta resolución poderán os interesados interpoñer recurso de alzada perante o conselleiro da Presidencia, Relacións Institucionais e Administración Pública no prazo dun mes contado desde o día seguinte ó da data de publicación desta resolución no Diario Oficial de Galicia, de acordo co previsto no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 28 de abril de 2003.
Belén Prado Sanjurjo
Directora xeral da Función Pública
ANEXO
Tipo de axuda Entradas Aprobadas Denegadas Importe
Xubilación 907 428 479 628.996,63 A
Diminuídos 579 515 64 650.956,81 A
Fillos menores 7.502 7.012 490 1.494.810,83 A
Tipo de axuda Entradas Aprobadas Denegadas Importe
Estudios traballador 1.348 744 604 158.752,06 A
Estudios fillos 20.102 18.028 2.074 1.364.600,49 A
Vivenda 734 595 139 785.234,53 A
Total 31.172 27.322 3.850 5.083.351,35 A
CONSELLERÍA DE POLÍTICA TERRITORIAL, OBRAS PÚBLICAS
E VIVENDA