Aprobado pola Comisión de Goberno deste concello o prego de condicións económico-administrativas que rexerán o procedemento para a contratación da subministración referenciada, anúnciase o concurso, se ben a licitación se aprazará canto resulte necesario de presentarse reclamacións.
Así mesmo, sométese o proxecto técnico das obras de instalación dos anteriores a exposición pública para a presentación de alegacións polos posibles interesados.
Anuncio de licitación:
1. Entidade adxudicadora: Concello de Bueu.
2. Obxecto do contrato: execución das subministracións consistentes na subministración e instalación de iluminación pública na rúa Montero Ríos. Lugar de entrega: Concello de Bueu, Pontevedra. Prazo de entrega: 1 mes.
3. Tramitación: urxente. Procedemento: aberto. Forma: concurso.
4. Tipo de licitación: 88.645,29 euros.
5. Garantías: provisional, non esixible; definitiva, 4% do importe de adxudicación.
6. Obtención de información: Concello de Bueu, rúa Eduardo Vincenti, 10, 36930; teléfono: 986 39 00 29; telefax: 986 32 20 99. Ata o último día de prazo para a presentación de ofertas, este incluído.
7. Requisitos específicos do contratista: non se esixen requisitos específicos distintos dos xerais sinalados nos pregos.
8. Presentación de proposicións.
a) Data límite de presentación: ós 10 días naturais desde o seguinte ó da publicación deste anuncio no último dos diarios no que deba selo (BOP ou DOG), en horario de oficina no rexistro xeral do concello, ou da forma sinalada na cláusula 9 do prego de condicións.
b) Documentación que hai que presentar: as proposicións constarán de 2 sobres pechados, A e B, denominados documentación xeral e documentación específica para o concurso, coas inscricións e contendo a documentación que se sinala na cláusula 9 dos pregos.
9. Apertura de ofertas: na Casa do Concello, ás 13 horas do sexto día hábil seguinte ó de finalización do prazo para presentar proposicións (se o día fose sábado, trasladarase ó primeiro día hábil seguinte).
10. Gastos de anuncios: por conta do adxudicatario.
Bueu, 8 de abril de 2003.
Tomás Barreiro Sotelo
Alcalde-presidente