En cumprimento do disposto no artigo 59 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, e ó amparo do artigo 30.1º do texto refundido de VPO, Real decreto 2960/1968, do 12 de novembro, e do artigo 138.1º do Regulamento de VPO, Decreto 2114/1968, do 24 de xullo, notifícaselles ós interesados (cos datos e último domicilio coñecido, identificado polo nº de expediente e conta) que a continuación se relacionan, as resolucións dos contratos por falta de pagamento, con recibos pendentes que ascenden ás cantidades que se sinalan, indicándolles que, concedida a preceptiva autorización xudicial de entrada no domicilio, se procederá ó lanzamento da vivenda por funcionario nomeado para o efecto e co auxilio das Forzas de Seguridade do Estado, autonómicas ou locais.
Advírtese ós interesados que, conforme o establecido no Regulamento de VPO, poderán evita-lo lanzamento aboando o total da débeda, coa recarga do 10% así como as cotas da comunidade que tiveran pendentes, no prazo de quince días contados a partir do día seguinte ó da publicación desta resolución.
A resolución firme do contrato implicará a prohibición para contratar coa Administración nos termos previstos no Real decreto lexislativo 2/2000, do 16 de xullo, polo que se aproba o texto refundido da Lei de contratos das administracións públicas.
Contra esta resolución, que non esgota a vía administrativa, poderá interpoñerse perante o conselleiro da CPTOPV recurso de alzada no prazo dun mes contado a partir do día seguinte ó da súa recepción.
E para que así conste, expido, asino e selo esta cédula na Coruña o 3 de abril de 2003.
Mª Teresa Morán Calero
Xefa da Área Provincial da Coruña
ANEXO
Santiago Gil Paz, Mª Loreto Rodríguez Rodríguez e fillos.
Expediente: C-2-IV/75 (F.P. 7/02).
Conta: 140.
R/ Alexandre Bóveda, bloque 17, 3º D, polígono de Vite (Santiago de Compostela).
Importe da débeda: 16.993,14 euros.