Por resolución do presidente de Portos de Galicia do 28 de xaneiro de 2003, publicada no Diario Oficial de Galicia nº 24, do 4 de febreiro, convocouse concurso aberto para a selección dunha oferta para o outorgamento dunha concesión administrativa para ocupación de local de dominio público portuario con destino a explotación de estación marítima no porto da Pasaxe (A Guarda).

Vista a proposta realizada pola mesa de contratación, o presidente de Portos de Galicia resolve declarar deserto o concurso por non presentarse ningunha oferta.

Contra esta resolución, que pon fin á vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados desde o día seguinte ó da notificación desta resolución.

Non obstante, o interesado poderá optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1994, do 13 de xaneiro.

Santiago de Compostela, 11 de abril de 2003.

Carlos Negreira Souto

Presidente do ente público Portos de Galicia