Eu, Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos nº 204/2002, por instancia de Miguel Sáez Ortells contra Moga, 98, S.L., sobre cantidade, nos que recaeu sentencia con data do 14-3-2003 que, copiada nos particulares necesarios, di así:

«Resolvo que, estimando a demanda promovida por Miguel Sáez Ortells contra Moga, 98, S.L., debo condenar e condeno a demandada a que lle aboe á demandante a cantidade de 3.718,98 euros por tódolos conceptos reclamados na demanda.

Así, por esta miña sentencia, contra a que poderá recorrerse en suplicación ante a Sala do Social do Tribunal Superior de Xustiza de Galicia, no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba perante este Xulgado do Social o xustificante acreditativo de ter depositado na conta corrente deste xulgado, aberta en Grupo Banesto (Banco Español de Crédito, S.A. e Banco de Vitoria, S.A.), número 5605 0000 60 0204 02, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista; sen este requisito non se poderá ter por anunciado o recurso e quedará firme a sentencia. Deberá consignar, ademais, a cantidade de 150,25 euros na mesma conta 5605 0000 65 0204 02, entregándose o

xustificante na secretaría ó tempo de interpoñe-lo recurso, declarándose este desistido de non constituírse o dito depósito na forma indicada. Definitivamente xulgando en primeira instancia, pronúncioo, mándoo e asínoo».

E para que conste, para efectos da súa publicación no Diario Oficial de Galicia co fin de que lle sirva de notificación á empresa Moga 98, S.L., expido e asino esta cédula na Coruña, 14 de marzo de 2003.

A secretaria xudicial

Rubricado