A Comisión Xestora do Colexio de Educadores Sociais de Galicia, segundo o estipulado pola Lei 1/2001, convoca os/as educadores/as sociais colexiados/as na dita entidade á realización da asemblea constituínte o día 24 de maio de 2003, no Palacio de Congresos de Galicia (Santiago de Compostela), ás 9 da mañá en primeira convocatoria.
As funcións encomendadas á asemblea constituínte pola Lei 1/2001, de creación do colexio de educadores sociais de Galicia, son:
-Aproba-la xestión da comisión xestora.
-Aproba-los estatutos definitivos do colexio.
-Elixi-los membros dos órganos colexiais.
Segundo os estatutos provisionais do Colexio de Educadores Sociais de Galicia, no seu artigo X, poderán participar na asemblea todos/as aqueles/as colexiados/as que obteñan esa condición ata sete días despois da publicación desta convocatoria no DOG e que se atopen ó corrente dos pagamentos correspondentes.
Santiago de Compostela, 21 de abril de 2003.
Alberto Fernández de Sanmamed Santos
Presidente do Colexio de Educadores Sociais
de Galicia