De conformidade coa proposta elevada pola comisión designada para xulga-lo concurso convocado por resolución desta universidade do 24 de outubro de 2001 (BOE do 19 de novembro), para a provisión da praza nº 072/2001 de catedrático de escola universitaria da área de coñecemento de dereito do traballo e da Seguridade Social departamento de Dereito Público Especial desta universidade, a favor de Ricardo Pedro Ron Latas, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Ricardo Pedro Ron Latas, catedrático de escola universitaria da área de coñecemento de dereito do traballo e da seguridade social, do departamento de Dereito Público Especial desta universidade.

A Coruña, 24 de marzo de 2003.

José Luis Meilán Gil

Rector da Universidade da Coruña