A Comisión de Goberno, en sesión do día 6-3-2003, aprobou o prego de cláusulas administrativas particulares que rexerán a adxudicación, en procedemento aberto, mediante a forma de concurso, do contrato de consultoría e asistencia para a redacción do Plan Xeral de Ordenación Municipal e Cartografía do Concello de Cualedro, o que se expón ó público na secretaría do concello polo prazo de quince días naturais, para que poidan presentarse reclamacións, contados desde o día seguinte ó da publicación deste anuncio.
Así mesmo, anúnciase a licitación para adxudica-lo contrato de consultoría e asistencia, mediante concurso, en procedemento aberto polo trámite de urxencia.
Tipo de licitación: 72.000 euros.
Fianza definitiva: o 4% do orzamento do contrato de adxudicación.
Proposicións: presentaranse no rexistro do concello durante o prazo de quince días naturais contados desde o seguinte ó día da publicación deste anuncio no Diario Oficial de Galicia.
Os criterios da valoración e a documentación para participar no concurso figuran no expediente que consta na secretaría do concello e tamén no anuncio co texto íntegro no BOP.
Apertura de plicas: terá lugar o terceiro día hábil seguinte (agás sábados) a aquel en que remate o prazo de presentación de proposicións, ás 12 horas.
Información: Concello de Cualedro. Telf.: 988 42 40 04, fax: 988 42 40 26.
Cualedro, 10 de marzo de 2003.
Marina Cuquejo Taboada
Alcaldesa