Vistas as peticións de prórroga das concesións que se citan no anexo, resulta:
Antecedentes de feito.
Primeiro.-Por orde do Ministerio de Comercio do 7 de outubro de 1975 (BOE número 254), outórganse 930 concesións administrativas para a instalación doutros tantos parques de cultivo de moluscos na zona do Carril, distrito marítimo de Vilagarcía de Arousa, a precario e por un prazo de 10 anos, prorrogables por petición dos interesados.
Por Orde do 29 de outubro de 1984 (DOG número 228) outórgase concesión administrativa para instalar un parque de cultivo de ameixas e berberechos
no distrito marítimo de Vilagarcía de Arousa, a favor de Manuel González Domínguez, cunha superficie de 527,25 metros cadrados.
Segundo.-Mediante Decreto 158/1991, do 16 de maio, declárase de interese marisqueiro e urxente execución a revisión e reordenación dos citados parques de cultivo, co obxecto de proceder a unha regularización da situación de feito existente, á revisión das circunstancias de titularidade dos parques e á oportuna reordenación que adecue a súa situación e superficie a unha explotación máis racional dos recursos.
Terceiro.-Aprobada a fase de revisión do citado proceso por resolución da Dirección Xeral de Marisqueo e Acuicultura do 26 de decembro de 1995, cómpre proceder ó inicio da fase de reordenación, da que xurdirán as novas concesións, para o que resulta inescusable desestimar, neste momento do proceso, tales peticións de prórroga.
Fundamentos xurídicos.
Primeiro.-Este órgano é competente para resolver tales peticións de conformidade co disposto no Real decreto 3318/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de pesca, e na Lei 6/1993, do 11 de maio, de pesca de Galicia.
Segundo.-Tendo en conta que o prazo de vixencia das concesións administrativas que amparan os citados parques expirou, e que de conformidade co disposto na letra C do artigo 72 da Lei 6/1993, do 11 de maio, as concesións se extinguirán polo vencemento do prazo de outorgamento sen que se solicitase e se concedese prórroga.
Por todo o anterior, esta consellería, facendo uso das súas atribucións e competencias, acorda denega-las prórrogas solicitadas e proceder, de conformidade co artigo 72 da Lei 6/1993, do 11 de maio, á extinción das concesións relacionadas no anexo a esta orde.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante o conselleiro de Pesca e Asuntos Marítimos, ou recurso contencioso-administrativo, que se interporá no prazo de dous meses ante a xurisdicción contencioso-administrativa; ámbolos dous prazos se contarán desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 10 de marzo de 2003.
Enrique César López Veiga
Conselleiro de Pesca e Asuntos Marítimos
ANEXO
1. Orde do 7 de outubro de 1975 pola que se outorgan 930 concesións administrativas para instalación doutros tantos parques de cultivo de moluscos na zona do Carril, distrito marítimo de Vilagarcía de Arousa.
nº m
Parcela
Nome Superficie
13 Ramón Longa Dios 496
31 José Junquera Doval 539
53 Jesús y Carlos Berride Teijeiro 456
73 Esclavitud Ferreiros García 323
79 María del Carmen Veloso Berride 66
95 Joaquina Baltar Teijeiro 51
115 Benito Veloso Martínez 45
122 José Abelenda Baltar 267
166 Jesús Berride Teijeiro 167
170 José Abelenda Baltar 167
251 María Asunción Abelenda Ares 349
263 José Luis Eiras Barreiro 142
264 José Luis Eiras Barreiro 278
334 María Asunción Abelenda Ares 72
377 María Moldes García 38
427 José L. Otero Rodríguez 117
479 Elvira García Ramos 66
480 María Josefa Ares Ramos 597
481 Rosa Rodríguez Chaves 200
502 María Moldes García 104
531 Antonio Franco Boullosa 100
536 María Moldes García 485
538 Rosa Rodríguez Chaves 608
548 Antonia Seoane García 56
549 Constantino Silva Ramos 30
550 Antonio Franco Boullosa 93
631 Guillermo Seoane García 1.048
650 María del Carmen Veloso Berride 110
652 Manuel Abad Argibay 605
697 Luis González Alonso 224
792 Mercedes Vicente Mayán 982
871 Manuel González Domínguez 599
2. Orde do 29 de outubro de 1984 (DOG 228), pola que se outorga concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Manuel González Domínguez, cunha superficie de 527,25 metros cadrados.
nº m
Parcela
Nome Superficie
Exp. 5527 Manuel González Domínguez 527,25