O Pleno do Concello, en sesión que tivo lugar o día 28 de marzo de 2003, aprobou definitivamente o estudio de detalle do soar situado entre a avenida de Galicia e a travesía de Portela, promovido por Hermanos García Gelpi y otro, S.C. e redactado polo arquitecto José R. Fernández Pascual, con data de febreiro de 2003. Os edificios que se desenvolvan ó abeiro deste estudio de detalle deberán adapta-la configuración e o uso dos espacios baixo cuberta á modificación puntual ó PXOM para a nova redacción do artigo 84, relativo a espacios baixo cuberta, aprobada polo Pleno do Concello en sesión do día 6 de agosto de 2002.

En cumprimento do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, publícase este anuncio e remitirase á Consellería de Política Territorial, Obras Públicas e Vivenda copia autenticada do expediente e dous exemplares do instrumento aprobado definitivamente, debidamente dilixenciados polo secretario do concello.

Contra o acordo de aprobación definitiva, que pon fin á vía administrativa, poderase interpoñer recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó da publicación deste anuncio.

Mugardos, 1 de abril de 2003.

Ramón Toimil Saavedra

Alcalde