José Luis Gutiérrez Martín, secretario deste Xulgado de Primeira Instancia número oito dos de Vigo, certifica que no xuízo verbal de desafiuzamento 1104/2002 se dictou a seguinte resolución:

«Sentencia.

Vigo, vintecinco de febreiro de dous mil tres.

Susana Álvarez García, maxistrada xuíza deste Xulgado de Primeira Instancia número oito dos de Vigo, viu os presentes autos de xuízo verbal de desafiuzamento 1104/2002, entre os que son partes:

Demandante: Modesto Novoa Paredes, como administrador da comunidade hereditaria de Arturo e José López Álvarez, representado polo procurador José Marquina Vázquez, asistido do seu letrado Salustiano González Lojo Sáez.

Demandado: Gerardo Sayar Vila, rebelde procesual.

Versa o xuízo sobre falta de pagamento de rendas da vivenda sita na rúa Sanjurjo Badía, 71-2º esqu., Vigo.

Decido que estimando integramente a demanda interposta por Modesto Novoa Paredes, como administrador da comunidade hereditaria de Arturo e José López Álvarez, representado polo procurador José Marquina Vázquez contra Gerardo Sayar Vila, debo declarar e declaro a resolución do contrato de arrendamento que liga as partes respecto da vivenda sita na rúa Sanjurjo Badía, 71-2º esqu., Vigo, apercibindo a parte demandada de lanzamento se non desaloxa a vivenda dentro do termo establecido na lei, condenando a Gerardo Sayar Vila ó pagamento das custas.

Contra esta sentencia cabe recurso de apelación perante a Audiencia Provincial de Pontevedra, que deberá prepararse no prazo de cinco días por medio de escrito presentado ante este xulgado, conforme o disposto no artigo 455 e seguintes da LAC, facéndolle saber ó recorrente do cumprimento do artigo 449.1º do mesmo precepto legal.

Así, por esta miña sentencia pronúncioo, mándoo e asínoo».

E para a súa inserción e publicación nese diario oficial, para que sirva de notificación de sentencia a Gerardo Sayar Vila por estar en paradoiro descoñecido, expídese en Vigo, vinteseis de febreiro de dous mil tres.

O secretario

Rubricado

XULGADO DE PRIMEIRA INSTANCIA E INSTRUCCIÓN NÚMERO DOUS

DE CARBALLO