Convocada a provisión, polo sistema de libre designación, de catro postos de traballo vacantes na Consellería de Asuntos Sociais, Emprego e Relacións Laborais, mediante Orde do 12 de febreiro de 2003 (DOG nº 39, do 25 de febreiro), de conformidade
co establecido nas bases quinta e sexta da referida orde, esta consellería
RESOLVE:
Primeiro.-Adxudicar destino, nos postos de traballo que se indican, ós funcionarios que se expresan no anexo desta orde, seleccionados conforme o establecido nas bases da convocatoria, realizada por orde desta consellería do 12 de febreiro de 2003.
Segundo.-O cesamento no actual destino do funcionario que obtivo praza producirase no prazo de tres días, contados a partir do seguinte ó da data da publicación desta orde no Diario Oficial de Galicia.
Se na data na que debe cesar no seu destino o funcionario está gozando un período de licencia, vacacións ou permiso, o prazo para efectualo empezará a contar a partir do día seguinte ó da súa incorporación.
A toma de posesión da praza adxudicada deberase realizar no prazo dos tres días seguintes ó do cesamento, de tratarse da mesma localidade na que actualmente presta os seus servicios o funcionario, ou no prazo dun mes, de tratarse de distinta localidade, conforme o establecido no artigo 14 do Decreto 93/1991, do 20 de marzo.
Terceiro.-O xefe do centro no que cause baixa o funcionario, así como o daquel no que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión, das que se dará traslado, mediante copia, á Dirección Xeral da Función Pública.
Cuarto.-Contra esta orde, que esgota a vía administrativa, os interesados poderán interpoñer recurso potestativo de reposición perante esta consellería, no prazo dun mes contado desde o día seguinte ó da súa publicación no DOG, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 28 de marzo de 2003.
María José Cimadevila Cea
Conselleira de Asuntos Sociais,
Emprego e Relacións Laborais
ANEXO
DNI ou NRP Grupo Apelidos e nome Código do posto Denominación Nivel Centro de destino Localidade
do/a conselleiro/a do conselleiro/a
do/a secretario/a xeral
de Relacións Laborais de Traballo
de Relacións Laborais de Relacións Laborais3497176646 A2059 D Gutiérrez Álvarez, Angelina Isabel AS.C01.00.000.15770.001 Xefe de secretaría
20 Gabinete
Santiago de Compostela
3329691846 A2059 D Fandiño Viqueira, María Isabel AS.C02.00.000.15770.001 Secretario/a
18 Secretaría Xeral Santiago de Compostela
7651972635 A2051 B García Vaamonde, Concepción XU.C04.00.001.15770.004 Xefe de Servicio
28 Subdirección Xeral
Santiago de Compostela
3383706424 A2060 A Peña Cebreiro, María Luisa XU.C07.00.000.15770.020 Secretario/a do Consello Galego
30 Consello Galego
Santiago de Compostela