Juan Rey Pita, secretario do Xulgado do Social número tres da Coruña, dou fe e certifico que neste

xulgado se seguen autos número 778/2002, por instancia de Fernando García Castiñeira, contra A Costa da Morte, Diversión y Ocio sobre salarios, nos que recau sentencia con data do 25 de febreiro de 2003 que, copiada nos particulares necesarios, di así:

«Que estimando a demanda formulada por Fernando García Castiñeira, contra a empresa A Costa da Morte, Diversión y Ocio, condeno a esta a pagarlle a cantidade de 4.893,89 euros, que lle debe en concepto de salarios.

Notifíquelles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.

Prevese a empresa demandada de que, para recorrer, deberá acreditar ter ingresado na c/c de consignacións, código 5604.0000.60 778-02 de Banesto desta cidade, denominada conta do Xulgado do Social número tres, o importe da condena e 150,25 euros en concepto de depósito, requisitos sen os cales non será admitido a trámite o recurso, quedando firme a sentencia.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste, para efectos da súa publicación no Diario Oficial de Galicia co fin de que sirva de notificación en forma á empresa A Costa de Morte, Diversión y Ocio, expido e asino esta cédula na Coruña, 28 de febreiro de 2003.

Secretario xudicial

Rubricado