De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona, a proposta de resolución dictada pola instructora no expediente que por infracción á Lei 9/2001, do 21 de agosto, de conservación da natureza, se está a tramitar nesta delegación.

Para efectos previstos no artigo 19 do Real decreto 1398/1993, do 4 de agosto, polo que se aproba o regulamento do procedemento para o exercicio da potestade sancionadora, o denunciado disporá dun prazo de quince días hábiles, contados a partir do seguinte ó da publicación desta notificación, poderá examina-lo expediente, no Servicio de Medio Ambiente Natural, sito na r/ Benito Corbal, nº 47-5º planta, e presenta-las alegacións que considere convenientes.

Pontevedra, 28 de febreiro do 2003.

José Antonio López Rodríguez

Delegado provincial de Pontevedra

ANEXO

Expediente: PO-EN-2002/29.

Denunciado: Wenceslao Salgueiro Cacabelos, enderezo: Avda. Portugal, nº 24-4º do Grove (Pontevedra).

DNI: 35256237-X.

Feitos denunciados: altera-las condicións dun espacio natural protexido. Cando se realizaba servicio do corpo, pola demarcación desta unidade, se observa a presencia dun individuo na zona protexida do Vao, observando que se encontra cavando cunha aixada na area da dita zona, entrevistados con el, pregúntaselle o motivo de encontrarse na dita zona, manifestando que se encontra extraendo verme mariño. É informado de que na dita non está permitido ningún tipo de extracción, dando conta á autoridade competente.

Feitos denunciados o día 21 de agosto de 2002 ás 9.40 horas, no Complexo Intermareal de Umía-istmo do Vao (praia da Lanzada), no termo municipal do Grove.

Data o acordo da incoación: 28-10-2002.

Precepto infrinxido: artigo 62 da Lei 9/2001, do 21 de agosto, de conservación da natureza.

Precepto sancionador: artigo 71 da Lei 9/2001, do 21 de agosto, de conservación da natureza.

Sanción: 60,10 euros.