Con data 3 de febreiro de 2003, o secretario xeral da Consellería de Sanidade dictou resolución do expediente sancionador nº 214/02 PRO, incoado na Delegación Provincial da Consellería de Sanidade da Coruña, a Ruisko Lizasu Arano.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícaselle a Ruisko Lizasu Arano o contido da referida resolución que figura como anexo, para que poida ter coñecemento dela.
Así mesmo, fáiselle sabe-lo dereito que o asiste para interpor recurso de alzada ante o conselleiro de Sanidade no prazo dun mes, contado desde o seguinte ó da publicación da presente cédula, segundo establece o artigo 115 da Lei 30/1992, do 26 de novembro, lembrándolle o seu dereito a consulta-lo expediente, depositado nas dependencias desta delegación, sita na rúa Gregorio Hernández, 2-4, A Coruña ou na Secretaría Xeral, da Consellería de Sanidade, sita na rúa San Lázaro, Santiago de Compostela e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
A presente cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 30/1992, do 26 de novembro.
A Coruña, 3 de marzo de 2003.
Mª Blanca García Varela
Delegada provincial da Coruña
ANEXO
Nº expediente: 214/02 PRO.
Denunciado: Ruisko Lizasu Arano.
DNI/NIF: 15777447.
Último enderezo coñecido: Sada de Arriba, 6-1º A. Sada.
Feito imputado: publicidade nun cartel colocado no centro do núcleo urbano, dunha oferta de bebidas para os fins de semana 2x1 «ata que rebentes».
Precepto/s infrinxido/s: artigo 35.B.1 da Lei 14/1986, xeral de sanidade, e artigos 12.1º; 37.3º.A) da Lei 2/1996, de Galicia sobre droga.
Tipificación: grave.
Sanción imposta: arquivo.
