O Pleno da Corporación, en sesión do día 25 de febreiro de 2003, aprobou o expediente de contratación do servicio de mantemento, conservación e reparacións ordinarias da iluminación pública e instalacións eléctricas do Concello de Moeche e a iniciación do correspondente expediente de licitación mediante concurso con procedemento aberto e tramitación urxente. De conformidade co artigo 78 do texto refundido da Lei de contratos das administracións públicas anúnciase o correspondente concurso coas seguintes características:
1. Entidade adxudicadora e datos para a obtención de información:
Organismo: Concello de Moeche.
Dependencia que tramita o expediente: Secretaría Xeral.
2. Obxecto do contrato.
Descrición do obxecto: mantemento, conservación e reparacións ordinarias da iluminación pública e instalacións eléctricas do Concello de Moeche.
Lugar de execución: termo municipal de Moeche.
Duración do contrato: dous anos prorrogables ata un máximo de catro anos.
3. Procedemento e forma de adxudicación.
Tramitación: urxente.
Procedemento: aberto.
Forma: concurso.
4. Orzamento base de licitación: 30.000 A/anuais IVE incluído.
5. Garantía provisional: 2% do tipo de licitación 600 A.
6. Obtención de información.
Entidade: Concello de Moeche.
Domicilio: San Ramón s/n.
Localidade: Moeche (A Coruña).
Teléfono: 981 40 40 06.
7. Requisitos específicos do contratista: ningún.
8. Presentación de ofertas.
Data límite de presentación: 13 días hábiles contados a partir do seguinte ó da publicación do último anuncio (BOP ou DOG).
Documentación que hai que presentar: a especificada no prego de condicións.
Lugar de presentación: Secretaría Xeral do Concello de Moeche.
9. Apertura de ofertas.
Entidade: Concello de Moeche.
Data e hora: ás 12 horas do 5 día hábil seguinte ó do remate do prazo de presentación de ofertas, excluídos os sábados.
Moeche, 26 de febreiro de 2003.
Xulio Cribeiro García
Alcalde